ვიცე-პრემიერი, ენერგეტიკის მინისტრი კახი კალაძე საქართველოს პრეზიდენტს მოუწოდებს, ჭორაობისგან თავი შეიკავოს. 

როგორც კალაძემ განაცხადა, ბოლო პერიოდში პოლიტიკოსები ამორალურ და ზნეობადაკარგულ განცხადებებს აკეთებენ. 

„მე მესმის, დღეს რთულია საუბარი ზნეობაზე, მორალზე, როდესაც წინასაარჩევნო კამპანიაში ვართ ჩართული, მაგრამ ჩვენ, ახალგაზრდა პოლიტიკოსებმა უნდა მოვახერხოთ ამისგან თავის დაღწევა. ორი დღეა,  ვისმენთ პრეზიდენტის არადეკვატურ განცხადებებს, აშკარად ჩანს, რომ ის ცდილობს, სახელმწიფო ინსტიტუტების დისკრედიტაცია განახორციელოს, რაზეც დგას ჩვენი სამშობლო. აშკარად ჩანს, რომ ის არის დაბნეული იმ რეაქციების გამო, რაც საზოგადოებაში მოყვა მის განცხადებებს, მაგრამ ეს არ არის იმის საფუძველი, რომ კორცხელის ინციდენტი დააკავშიროს ჩემთან. 

მარგველაშვილი ყოველთვის საუბრობს, რომ არ არის არც „ნაცონალური მოძრაობის“ და არც „ქართული ოცნების“ კანდიდატი, მაგრამ მისი განცხადებები არის "ნაციონალების" ციტირება და არ მახსოვს გაეკეთებინოს განცხადება კარალეთში მომხდარ ინციდენტთან და იმ ზონდერებთან დაკავშირებით, რომლებიც საშინელ დღეში აგდებდნენ ადამიანებს წლების განმავლობაში“, - განაცხადა კალაძემ.

ვიცე პრემიერმა გიორგი მარგველაშვილს მოუწოდა, პრეზიდენტის ინსტიტუტს პატივი სცეს. 

„ის არის ქვეყნის პრეზიდენტი, მერე რა, რომ გარკვეული ადამიანების ხათირთ იქნა არჩეული. მოვუწოდებ, თავი შეიკავოს ჭორაობისგან და პატივი სცეს პრეზიდენტის ინსტიტუტს“, - აღნიშნა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს