|
2016-07-26 16:11:39, 586 ნახვა
პოლიტიკა
მიხეილ ჯანელიძე: საქართველოს დიპლომატიამ გასული წლის განმავლობაში საკმაოდ დიდ წარმატებებს მიაღწია
საქართველო მსოფლიოს მასშტაბით არის მაგალითი სტაბილურობის, დემოკრატიული ტრანსფორმაციისა და განვითარების კუთხით, ამის შესახებ მეტი კომუნიკაცია გვჭირდება, - ამის შესახებ საქართველოს საგარეო საქმეთა მინისტრმა მიხეილ ჯანელიძემ ამბასადორიალის ფარგლებში გამართულ პრესკონფერენციაზე განაცხადა. საგარეო საქმეთა მინისტრმა ის საკითხები მიმოიხილა, რომლებიც 4 დღის განმავლობაში ამბასადორიალის ფარგლებში განიხილება. „აღინიშნა, რომ საქართველოს დიპლომატიამ გასული წლის განმავლობაში საკმაოდ დიდ წარმატებებს მიაღწია ყველა ძირითადი პრიორიტეტის მიმართულებით. განსაკუთრებით უნდა აღინიშნოს, რომ საქართველოს ტერიტორიული მთლიანობის და სუვერენიტეტის დაცვის კუთხით და ოკუპირებულ ტერიტორიებზე არსებული სიტუაციის საერთაშორისო მხარდაჭერის მოპოვების კუთხით უპრეცედენტო ნაბიჯები გადაიდგა და მიღებულ იქნა უპრეცედენტო გადაწყვეტილებები. ჩვენ ამ აქტივობებს გავაგრძელებთ მომავალი წლის განმავლობაში იმისათვის, რომ საერთაშორისო ჩართულობით გავუმკლავდეთ ყველა ამ საფრთხეს“, - განაცხადა ჯანელიძემ. მისი თქმით, განსაკუთრებული აქცენტი გაკეთდა ეკონომიკურ დიპლომატიაზე და საქართველოს იმიჯის მაქსიმალურად პოპულარიზაციაზე ქვეყნის გარეთ, ასევე, ახალ ინიციატივებზე და რეფორმებზე, რომელიც სამინისტროში ხორციელდება, კერძოდ, პოლიტიკური დეპარტამენტის რეფორმაზე, რომლის ფარგლებშიც სტრატეგიული კომუნიკაციების მიმართულება ჩამოყალიბდა. „ჩვენ ნამდვილად გვაქვს სათქმელი, რომ საქართველო არის მაგალითი სტაბილურობის, დემოკრატიული ტრანსფორმაციის, განვითარების კუთხით და ძალიან დიდ როლს თამაშობს რეგიონული და გლობალური მასშტაბით. ამის შესახებ ჩვენ გვჭირდება მეტი კომუნიკაცია და ამ კომუნიკაციის შესახებ ვისაუბრეთ“, - განაცხადა მიხეილ ჯანელიძემ.
პროკურატურა ამტკიცებს რომ ღობის საქმის პროკურორზე მამის ბიზნესების გამო, თავდასხმა ხორციელდება
შსს-მ გენოციდის ხსოვნის დღეს თურქეთის საელჩოსთან აქციის გამართვის უფლება არ მისცა.
ამერიკელი პოლიტიკოსები გმობენ ტრამპთან სადილზე სროლას
ბათუმში ძალადობის და ნარკოდანაშაულის ბრალდებით უცხო ქვეყნის მოქალაქე დააკავეს
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსეთის ფედერაციამ შეუტია ოდესის ოლქის საპორტო ინფრასტრუქტურას
ათობით ადამიანი დაშავდა, საცხოვრებელი შენობა განადგურდა დნეპრზე მომხდარი დარტყმის შემდეგ
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)