2016-07-23 13:00:20, 669 ნახვა

---

პრეზიდენტი სპორტსმენებს: თქვენს მიერ აჟღერებული საქართველოს ჰიმნი მილიონობით ქართველის გულს გააბედნიერებს

პრეზიდენტმა გიორგი  მარგველაშვილმა, პრემიერმინსტრ გიორგი კვირიკაშვილთან ერთად, ზაფხულის ოლიმპიურ თამაშებზე საქართველოს ოლიმპიური ნაკრების გაცილების ცერემონიაში მიიღო მონაწილეობა.

საქართველოს პრეზიდენტმა ქართველ ოლიმპიელებს სიტყვით მიმართა და   მომავალი გამარჯვებებისთვის სვლაში წარმატებები უსურვა.

„დღეს ორი მსოფლიო იბრძვის. ის, ბოროტება რომელიც, ჩვენ გუშინ ღამე ვნახეთ, როცა ასე მალულად და ქურდულად ადამიანები ხოცავენ ბავშვებსა და ქალებს, და ამის საპირისპირო ხართ თქვენ, ადამიანები, რომლებიც ღიად ასპარეზობთ გამარჯვებისათვის და თქვენს კეთილ ნებას აჩვენებთ მსოფლიოს. დარწმუნებული ვარ, რომ მთელი მსოფლიო არაერთხელ მოისმენს საქართველოს ჰიმნს თქვენი გამარჯვების აღსანიშნავად და თქვენს მიერ აჟღერებული საქართველოს ჰიმნი მილიონობით ქართველის გულს გაახარებს და გააბედნიერებს. მინდა გისურვოთ სულიერი მხნეობა, წარმატება და გამარჯვება ჩვენი ქვეყნისათვის. მე თქვენთან ვიქნები და მთელ საქართველოსთან ერთად გიგულშემატკივრებთ", - აღნიშნა საქართველოს პრეზიდენტმა.

ბრაზილიის ოლიმპიურ თამაშებში 39 ქართველი ოლიმპიელი 13 სახეობაში იასპარეზებს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი