|
2016-07-21 14:48:33, 668 ნახვა
პოლიტიკა
გედევან ფოფხაძე: ბიძინა ივანიშვილზე არ გამომიყენებია ტერმინი არაჩვეულებრივი და გიორგაძეზე რატომ ვიტყოდი?!
საპარლამენტო უმრავლესობის წევრის გედევან ფოფხაძის მტკიცებით, იგორ გიორგაძესთან დაკავშირებით მის მიერ გაკეთებული განცხადების არასწორი ინტერპრეტაცია მოხდა. როგორც ფოფხაძემ „ექსპრესნიუსსს“ განუცხადა, მას იგორ გიორგაძეზე ტერმინი „არაჩვეულებრივი“ არ გამოუყენებია. „მე მსგავსი არაფერი განმიცხადებია, რომ იგორ გიორგაძე არაჩვეულებრივი პიროვნებაა და მას შეუძლია საქართველოში დაბრუნდეს. როდესაც ჟურნალისტმა მკითხა, თუ რას ვფიქრობდი იგორ გიორგაძეზე, ვუპასუხე, რომ ყველა ადამიანის მიმართ არის ერთიანი სტანდარტი. წინადადება დავიწყე სიტყვით, რომ იგორ გიორგაძე არის ჩვეულებრივი ადამიანი და მის მიმართაც იგივე დამოკიდებულება იქნება, რაც ნებისმიერი ადამიანის მიმართ არის. თუ ვიდეოს სრულად ნახავთ გასაგები გახდება, რომ მე მარკესზე, ბორხესზე არ ვსაუბრობ და ვსაუბრობ იგორ გიორგაძეზე. ტერმინი არაჩვეულებრივი შეიძლება გამოიყენო გოეთეს მიმართ და არა პოლიტიკოსის მიმართ. ბიძინა ივანიშვილზე არასდროს მითქვამს არაჩვეულებრივი და იგორ გიორგაძეზე რატომ ვიტყოდი?! თუ სამართალდამცავებს აქვთ კითხვები იმოქმედებენ შესაბამისად. აქ სწორედ მათი პოზიციაა მთავარი და არა ჩემი აზრი. ნიუსებში ჩემი ნათქვამის ცალსახად არასწორი ინტერპრეტაცია მოხდა“, - აცხადებს ფოფხაძე. შეგახსენებთ, რომ მაესტროს ეთერში გავიდა გედევან ფოფხაძის სინქრონი, სადაც ვიდეოში დეპუტატი ამბობს, რომ გიორგაძე არაჩვეულებრივი პიროვნებაა, არავინ მას არ დევნის და შეუძლია ჩამოვიდეს ქვეყანაში
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსეთის ფედერაციამ შეუტია ოდესის ოლქის საპორტო ინფრასტრუქტურას
ათობით ადამიანი დაშავდა, საცხოვრებელი შენობა განადგურდა დნეპრზე მომხდარი დარტყმის შემდეგ
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)