|
2016-07-20 18:20:29, 641 ნახვა
პოლიტიკა
აჭარის მთავრობის თავმჯდომარე აეროპორტის ტურისტული საინფორმაციო ცენტრის მუშაობას გაეცნო
აჭარის ტურიზმის დეპარტამენტის აეროპორტის ტურისტული საინფორმაციო ცენტრი 24-საათიან სამუშაო რეჟიმზე გადადის. ცენტრის მუშაობის სპეციფიკასა და სერვისებს დღეს აჭარის მთავრობის თავმჯდომარე ზურაბ პატარაძე და აჭარის ტურიზმის დეპარტამენტის უფროსი მამუკა ბერძენიშვილი გაეცნენ. ტურისტული საინფორმაციო ცენტრის 24-საათიან სამუშაო რეჟიმზე გადასვლა განაპირობა ბათუმის მიმართულებით არსებულმა უპრეცედენტო რაოდენობის ფრენებმა. მხოლოდ ივლისის თვეში ბათუმის მიმართულებით კვირაში 81 ფრენა (თვეში 300-ზე მეტი) ხორციელდება 22 მიმართულებით. შესაბამისად გაიზარდა რეგიონში საჰაერო გზით შემოსული ვიზიტორების რაოდენობაც, რაც გასული წლის ანალოგიურ პერიოდთან შედარებით (იანვარი-ივნისი) 74 %-იან მატებას გულისხმობს. ვიზიტორებისთვის რეგიონის ტურისტული პროდუქტებისა და ღირსშესანიშნაობების შესახებ სრულფასოვანი ინფორმაციის მიწოდების უზრუნველყოფის მიზნით აეროპორტის ტურისტული საინფორმაციო ცენტრი სრული დატვირთვით სეზონის ბოლომდე იმუშავებს. ,,როგორც ვხედავთ თვითმფრინავების ნაკადი გაიზარდა. სერვისები გაუმჯობესებულია, რაც ძალიან მნიშვნელოვანი და პოზიტიური ფაქტია ჩვენი რეგიონისთვის"-აღნიშნა ზურაბ პატარაძემ. ბათუმში, წვიმიანი ამინდის შემთხვევაშიც კი ტურისტს შეუძლია დრო საინტერესოდ გაატაროს. ეწვიოს აკვარიუმს და დელფინარიუმს, სადაც შოუ დღის განმავლობაში სამჯერ იმართება. ასევე დაათვალიეროს ხარიტონ ახვლედიანის სახელობის მხარეთმცოდნეობის, არქეოლოგიური, ნობელის და ეთნოგრაფიული მუზეუმები . შეუძლიათ გაემგზავრონ მაღალმთიან აჭარაში, ეწვიონ ქედის ან ხელვაჩაურის საოჯახო ღვინის მარნებს, გაეცნონ ღვინის წარმოების ადგილობრივ ტრადიციებს და დააგემოვნონ აჭარული კერძები. გარდა ამისა, ზაფხულის განმავლობაში ბათუმში დაგემილია არაერთი შემეცნებითი და გასართობი ღონისძიება, რომელთა შესახებ ინფორმაცია სტუმრებს შეუძლიათ მიიღონ ტურისტული ვებგვერდის საშუალებით ან ტურისტულ საინფორმაციო ცენტრებში, რომელთა რაოდენობაც წელს 9-მდე გაიზარდა.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსეთის ფედერაციამ შეუტია ოდესის ოლქის საპორტო ინფრასტრუქტურას
ათობით ადამიანი დაშავდა, საცხოვრებელი შენობა განადგურდა დნეპრზე მომხდარი დარტყმის შემდეგ
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)