საქართველოს პრეზიდენტი გიორგი მარგველაშვილი და პირველი ლედი მაკა ჩიჩუა დღეს ქალაქ პირანის მერს პიტერ ბოსმანს შეხვდნენ.

პრეზიდენტმა პირველ ლედისთან და დელეგაციასთან ერთად ზღვისპირა ქალაქის ისტორიული უბნები მოინახულა.

როგორც პირანის მერმა პიტერ ბოსმანმა განაცხადა, საქართველოსა და სლოვენიას ურთიერთობის ხანგრძლივი ისტორია აქვს და ეს ურთიერთობები კიდევ უფრო უნდა განვითარდეს.

„ბატონო მერო, მსურს გითხრათ, რომ ჩვენ გვაქვს ჩვენი უნიკალური ანბანი, ასე რომ ჩვენი ხელნაწერი არაა ლათინური, ის უნიკალურია და განსხვავებული. ეს არის სრულად სხვა ენა და ერთ-ერთია არსებულ 14 ანბანს შორის"- აღნიშნა საქართველოს პრეზიდენტმა და ,,ოქროს წიგნში,,   ჩანაწერი გააკეთა.

გიორგი მარგველაშვილმა ქალაქის მერს მადლობა გადაუხადა გულთბილი მიღებისათვის.

,,ეს არის განსაკუთრებული ვიზიტი, რადგან ჩვენ ვნახეთ სლოვენიური მასპინძლობა, რომელიც, შემიძლია გითხრათ, რომ გამორჩეულია.

მჯერა, რომ ჩემს მოქალაქეებს სრულად უნდა გავუზიარო ის დიდი გამოცდილება, რომელიც მე აქ მივიღე და დარწმუნებული ვარ, რომ ქართველები ძალიან მოწადინებულნი იქნებიან ესტუმრონ სლოვენიას და  თქვენს არაჩვეულებრივ ქალაქს.

მადლობელი ვარ ამ მიღებისათვის და მოუთმენლად ველი ჩვენს ერებს შორის ურთიერთობათა გაღრმავებას",- აღნიშნა საქართველოს პრეზიდენტმა.

პირანის მერთან შეხვედრით საქართველოს პრეზიდენტმა სლოვენიაში ოფიციალური ვიზიტი დაასრულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის მიღებაზე სროლა ამძაფრებს სიტუაციას საიდუმლო სამსახურის არასაკმარისი დაფინანსების გამო

რუსეთის ფედერაციამ შეუტია ოდესის ოლქის საპორტო ინფრასტრუქტურას

სროლაში ეჭვმიტანილმა აღიარა ტრამპის ადმინისტრაციაზე თავდასხმა

ტრამპზე სროლაში ეჭვმიტანილი იდენტიფიცირებულია