რომის პაპი საქართველოში 30 სექტემბერს ჩამოვა

2016-07-11 18:03:01, 606 ნახვა

საზოგადოება

ვატიკანმა საქართველოსა და აზერბაიჯანში რომის პაპის ფრანცისკე პირველის ვიზიტის პროგრამა გამოაქვეყნა, - ამის შესახებ "ვესტნიკ-კავკაზა" იუწყება.

მედია საშუალების ინფორმაციით, რომის პაპი საქართველოში 30 სექტემბერს ჩამოვა.

ორდღიანი ვიზიტის ფარგლებში პონტიფიკოსი საქართველოს პრეზიდენტს გიორგი მარგველაშვილს, კათოლიკოს-პატრიარქს ილია მეორეს, ასურულ-ქალდეური საზოგადოებისა და კათოლიკური ეკლესიის წარმომადგენლებს, დიპლომატიურ კორპუსს, ასევე კათოლიკური საქველმოქმედო ორგანიზაციების თანამშრომლებს შეხვდება.

1 ოქტომბერს რომის პაპი მიხეილ მესხის სახელობის სტადიონზე მესას აღავლენს, მოგვიანებით კი მცხეთაში სვეტიცხოვლის საკათედრო ტაძარს მოინახულებს.

2 ოქტომბერს ფრანციკეს პირველი ბაქოში გაემგზავრება, სადაც პრეზიდენტ ილჰამ ალიევს, კავკასიის მუსლიმთა სამმართველოს ხელმძღვანელობას, რუსული მართმადიდებელი ეკლესიის წაემომადგენლებსა და ებრაულ სათვისტომოს შეხვდება. 2 ოქტომბრის საღამოს რომის პაპი ვატიკანში დაბრუნდება.

შეგახსენებთ, რომ ივნისის ბოლოს პონტიფიკოსი სამდღიანი ვიზიტით სომხეთში იმყოფებოდა.