ხადური: დღესაც დევს ბიუჯეტში ფული, სასამართლო აღსრულების გადაწყვეტილებების ფონდში

2015-03-04 13:47:08, 606 ნახვა

პოლიტიკა

„დღესაც დევს ბიუჯეტში ფული, სასამართლო აღსრულების გადაწყვეტილებების ფონდში“,-
ასე უპასუხმა ფინანსთა მინისტრმა ნოდარ ხადურმა კითხვას თუ როგორ აპირებს სახელმწიფო ჩამორთმეული ქონებების დაბრუნებას.
მისი თქმით, სახელმწიფოს იმ ქონების დიდი ნაწილი, რომელზეც შესაძლოა პრეტენზია ყოფილიყო პრივატიზაცია შეწყვეტილი აქვს.
„ქონების დიდი ნაწილი გაუსხვისებელია. ეკონომიკის სამინისტროს შეწყვეტილი ჰქონდა ამ ქონებების პრივატიზაცია, ჩვენ დაველოდებით გამოძიებების დასრულებას და სასამართლოს გადაწყვეტილებას. დღესაც დევს ბიუჯეტში ფული სასამართლოს აღსრულების გადაწყვეტილებების ფონდში, იმისდა მიუხედავად თუ რა თანხაზე იქნება საუბარი გადახდის ალტერნატივა შეიძლება შევთავაზოთ“,-განაცხადა ხადურმა.
ცნობისთვის, საქართველოს მთავარი პროკურორის გიორგი ბადაშვილის განცხადებით, ჩამორთმეულ ქონებებთან დაკავშირებით, 700-დე საჩივარია შესული.