შს მინისტრის მოადგილეებმა საფრანგეთის საელჩოში სამძიმრის წიგნში ჩანაწერები დატოვეს

2015-01-09 11:43:20, 2897 ნახვა

საზოგადოება

შინაგან საქმეთა მინისტრის მოადგილეებმა საფრანგეთის საელჩოში სამძიმრის წიგნში ჩანაწერები დატოვეს.

უწყების ინფორმაციით, შინაგან საქმეთა მინისტრის მოადგილეები არჩილ თალაკვაძე და თეიმურაზ მღებრიშვილი, შსს-ს საერთაშორისო ურთიერთობების დეპარტამენტის ხელმძღვანელი შალვა კვინიხიძე და ადმინისტრაციის უფროსის მოადგილე ლევან ჩოგოვაძე საქართველოში საფრანგეთის რესპუბლიკის საელჩოში მივიდნენ.

შსს-ს ცნობით, მინისტრის მოადგილეებმა და სამინისტროს ხელმძღვანელმა პირებმა საელჩოში გახსნილ სამძიმრის წიგნში ჩანაწერები დატოვეს და ღრმა მწუხარება გამოხატეს პარიზში, სატირულ ჟურნალ Charlie Hebdo-ს თანამშრომლების წინააღმდეგ განხორციელებული ტერორისტული აქტის დროს მოქალაქეებისა და პოლიციელების ტრაგიკული დაღუპვის გამო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან