საქართველოს თავდაცვის სამინისტროს ხელჩართული ბრძოლის კლუბმა „ქართლის ციხიონმა“ „შერეული ორთაბრძოლების” ფედერაციის ინიციატივით ქალაქ ბათუმში გამართულ „შავი ზღვის თასის“ საერთაშორისო ტურნირში მიიღო მონაწილეობა.

შეჯიბრება 4 დღის განმავლობაში მიმდინარეობდა. საერთაშორისო სპორტულ ღონისძიებაში თავდაცვის სამინისტროდან ხუთი სამხედრო მოსამსახურე ჩაერთო. გუნდმა წარმატებით იასპარეზა. პირველი კლასის რიგითმა გიორგი მაისურაძე MMA-ს წესებით 65-კგ წონით კატეგორიაში პირველი ადგილი მოიპოვა და ოქროს მედალი აიღო. პირველი კლასის რიგითი გიორგი კუპატაძე (60-კგ წონაში) და პირველი კლასის რიგითი თეიმურაზ რუსტამოვი (70-კგ წონაში) მეორე ადგილს დასჯერდნენ და ვერცხლის მედლები მოიპოვეს.

„შავი ზღვის თასის“ საერთაშორისო ტურნირი K-1 წესებით ბრძოლაშიც გაიმართა. რიგითმა გოგიტა ღვინიაშვილმა (81-კგ წონაში) ოქროს მედალი მოიპოვა, კაპრალმა ვალიკო უკანწყაროელმა (57-კგ წონაში) კი თავდაცვის სამინისტროს ხელჩართული ბრძოლის კლუბს ბრინჯაოს მედალი შესძინა.

საქართველოს თავდაცვის სამინისტროს ხელჩართული ბრძოლის კლუბის ხელმძღვანელი სპორტული ღონისძიებების დაგეგმვისა და ფიზიკური მომზადების სამმართველოს ხელჩართული ბრძოლის ინსტრუქტორი ზურაბ ჩაჩანიძე იყო.

საერთაშორისო ტურნირში თავდაცვის სამინისტროს წარმომადგენლების გარდა ყაზახეთის, სომხეთის, აზერბაიჯანის, უკრაინის და საქართველოს რამდენიმე კლუბი მონაწილეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს