ფინანსთას მინისტრის მოადგილის გიორგი თაბუაშვილის განცხადებით, ვინაიდან საქართველოში ვალუტის თავისუფალი ცურვის რეჟიმი მოქმედებს, ლარის გაცვლით კურსზე გავლენა ბევრმა ფაქტორმა შეიძლება მოახდინოს.

მისივე თქმით, ეროვნული ბანკის და მთავრობის ამოცანაა, ეს რყევები არ იყოს უეცარი, დიდი და სტაბილურობა შენარჩუნდეს. თაბუაშვილის განმარტებიტ, მთავრობა და ეროვნული ბანკი კოორდინირებულად მუშაობს:

„იცით, რომ გაცვლითი კურსი, ლარი არ არის არც ერთ ვალუტაზე მიბმული დაფიქსირებული და არც რომელიმე ვალუტების კალათაზეა მიბმული. ჩვენ გვაქვს არჩეული თავისუფალი მცურავი რეჟიმი. შესაბამისად,  ლარის გაცვლით კურსზე შეიძლება გავლენა იქონიოს ძალიან ბევრმა ფაქტორმა. ჩემმა განცხადებაც კი შეიძლება გარკვეულწილად გავლენა იქონიოს. ამიტომ, იგივე დიდი ბრიტანეთის რეფერენდუმმა და  ბრიტანელი ხალხის გადაწყვეტილებაც იმოქმედა, საგარეო ვაჭრობის დინამიკამ,  მოლოდინებიც მოქმედებს. არის როგორც გამყარებისკენ მოძრაობა, ასევე გაუფასურებისკენ. ეს ჩვეულებრივი მომენტია. უბრალოდ, ეროვნული ბანკის და მთავრობის ამოცანაა, ეს რყევები არ იყოს უეცარი, დიდი და შევინარჩუნოთ სტაბილურობა, თორემ გაცვლითი კურსი სადაც დაფიქსირდება, ახალი წონასწორაბა რაც განისაზღვრება,  ის არის მოცემულობა გამომდინარე იქიდან, რომ ჩვენ გვაქვს თავისუფალი მცურავი რეჟიმი“, - განაცხადა თაბუაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ძმებ ფეიქრიშვილებზე: გამოძიება დაადგენს, მათ შორის, ციხის ადმინისტრაციის შესაძლო როლსაც

კობახიძე - გიორგი ნემსაძის გარდაცვალება უდიდესი დანაკარგია ქართული ფეხბურთისთვის

ნაკრების ყოფილი კაპიტანი გიორგი ნემსაძე 54 წლის ასაკში გარდაიცვალა

საკონსტიტუციო სასამართლოს სხდომიდან გააძევეს ხატია დეკანოიძე - ივანიშვილის დაკითხვის შუამდგომლობა არ დაკმაყოფილდა