2016-06-25 14:33:25, 1149 ნახვა

---

ჟან-კლოდ იუნკერი არ გამორიცხავს, რომ ევროკავშირში წევრობის საკითხზე რეფერენდუმის ჩატარებას სხვა ქვეყნებიც მოისურვებენ

ევროკომისიის თავმჯდომარე ჟან-კლოდ იუნკერი არ გამორიცხავს, რომ დიდი ბრიტანეთის მსგავსად, ევროკავშირის წევრობის საკითხზე რეფერენდუმის ჩატარებას სხვა ქვეყნებიც მოისურვებენ, - ამის შესახებ სააგენტო Independent იუწყება.

იუნკერის თქმით, ევროკავშირის ლიდერებმა გეგმა უნდა შეიმუშავონ, თუ როგორ გაუწიონ წინააღმდეგობა ევროპელ პოპულისტებს და ევროკავშირის იმ ქვეყნებთან, სადაც უკმაყოფილების დონე მაღალია, დიალოგი გააგრძელონ.

მისივე განმარტებით, აღნიშნული საკითხების შესახებ ევროკავშირის წარმომადგენლები მომავალ კვირას, ევროკავშირის რიგგარეშე სამიტზე იმსჯელებენ.

შეგახსენებთ, რომ 23 ივნისს, დიდ ბრიტანეთში ჩატარებული რეფერენდუმის შედეგად, გაერთიანებული სამეფოს ევროკავშირიდან გასვლის მხარდამჭერებმა გაიმარჯვეს და ყველაზე მეტი ხმა დააგროვეს..

მოგვიანებით ბრიუსელმა ლონდონს მოუწოდა, ევროკავშირიდან გასვლის პროცედურაზე მოლაპარაკებები დაუყოვნებლივ დაიწყოს.

 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი