ინტერპარტიული ჯგუფის წევრებმა პრეზიდენტის ადმინისტრაციის წარმომადგენლებთან ერთად სამუშაო ჯგუფი შექმნეს, რომელიც საარჩევნო კოდექსში შესატან ცვლილებათა პაკეტს შეიმუშავებს, ამის შესახებ პრეზიდენტისა და ინტერპარტიული ჯგუფის წევრების შეხვედრის დასრულების შემდეგ გახდა ცნობილი.

”ევროპელი დემოკრატების” თავმჯდომარე პაატა დავითაიას განცხადებით, პრეზიდენტი ითვალისწინებს იმ შენიშვნებს, რაც ინტერპარტიულ ჯგუფს აქვს.

დავითაიას თქმით, ცვლილებებს და შენიშვნებს პარლამენტს პრეზიდენტი შესთავაზებს და ეს ყველაფერი უკვე ინიცირებული და მეორე მოსმენით მიღებული კანონპროექტის საბოლოოდ მიღებამდე მოხდება.

”მუშა ჯგუფი იმუშავებს იმაზე, თუ რა საკითხები შეიძლება იქნას შემუშავებული კონსესუსისთვის და ეს იქნება მსჯელობის საგანი ხელისუფლებასთან ერთად. შემდეგ გადაწყვეტს პრეზიდენტი თუ როგორ იმოქმედებს”, - განაცხადა დავითაიამ.

პრეზიდენტის მრჩეველ ფიქრია ჩიხრაძის განცხადებით, მთელი პერიოდის განმავლობაში, რაც საარჩევნო კანონმდებლობაში სისტემურ ცვლილებებზე არის საუბარი, პრეზიდენტი ყოველთვის ცდილობდა, პოლიტიკურ ძალებს აღნიშნული ცვლილებების მიღებაში დახმარებოდა და ხელი შეეწყო.

”რაც შეეხება ცვლილებებს, რომელზეც არის საუბარი, არის მინიმალური იმისთვის, რომ არ გაუარესდეს ვითარება მთელ რიგ პოლიტიკურ ძალებს უკვე განხორციელებული ცვლილებით, რომელიც ორი მოსმენით არის მიღებული და იყოს მეტნაკლებად სამართლიანი გარემო და სამართლიანი პოლიტიკური წესები”, - აღნიშნა ჩიხრაძემ და იმედი გამოთქვა, რომ მმართველი ძალა აღნიშნულ საკითხებს უფრო მეტი ყურადღებით მოეკიდება.

რაც შეეხება ვეტოს, ფიქრია ჩიხრაძის თქმით,  ქვეყნის პირველი პირი არაფერს გამორიცხავს.

პარლამენტმა წინასაარჩევნოდ პარტიებისთვის სარეკლამო დროის განაწილების საკითხზე კანონმდებლობაში ცვლილებების პაკეტი ორი მოსმენით განიხილა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს

გადაწყვეტილება მიღებული არაა, ვმსჯელობთ – სალია რუსთავის N6 ციხის უფროსის გათავისუფლებაზე