რუსეთის საგამოძიებო კომიტეტმა ოპოზიციონერ ბორის ნემცოვის მკვლელობის მთავარი ვერსიები გამოაქვეყნა.

კომიტეტის ოფიციალური წარმომადგენლის ვლადიმერ მარკინის განცხადებით, განიხილება ვერსია, რომელიც დაკავშირებულია ისლამურ ექსტრიმისტებთან, რადგან, მისი თქმით, ნემცოვი ბოლო დროს „შარლი ებდოზე“ პოზიციის გამო ბევრ მუქარას იღებდა.

გამოძიება ასევე რუსეთში დესტაბილიზაციის მიზნით, პროვოკაციის მოწყობის ვერსიას განიხილავს.

გარდა ამისა, საგამოძიებო კომიტეტი იძიებს ნემცოვის უკრაინასთან კავშირებს, მის კომერციულ საქმიანობასა და პირადი მოტივებით მკვლელობის შესაძლებლობას.

მარკინის თქმით, გამოძიებამ მნიშვნელოვან შედეგებს უკვე მიაღწია. დაკითხულია ნემცოვის მეგობარი გოგონა, რომელიც მკვლელობის ადგილზე იმყოფებოდა.

როგორც საგამოძიებო კომიტეტის ოფიციალურმა წარმომადგენელმა აღნიშნა, მკვლელები სავარაუდოდ ნემცოვის გადაადგილების მარშრუტების შესახებ კარგად იყვნენ ინფორმირებული და დანაშაულიც კარგად დაგეგმეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა