თუ ჩვენ გვინდა, რომ 2016 წლის საპარლამენტო არჩევნები ნორმალურ, სამართლებრივ, არა ძალადობრივ გარემოში ჩატარდეს, აუცილებელია, კორცხელის ინციდენტში მონაწილე ყველა პირი, ან შესაძლო მფარველი ადამიანები იყვნენ დასჯილები, - ასე შეაფასა პრეზიდენტის მრჩეველმა პოლიტიკურ საკითხებში ფიქრია ჩიხრაძემ, "ნაციონალური მოძრაობის" მიერ გამოქვეყნებული დოკუმენტები, რომლის თანახმადაც „კალა კაპიტალი“ კორცხელის ინციდენტში მონაწილე პირებს ფულს ურიცხავს.

ჩიხრაძეს თქმით, პრეზიდენტის პოზიცია კორცხელის ინციდენტთან დაკავშირებით უცვლელია და მისი აზრით, ყველა მონაწილე პირი სამაგალითოდ უნდა დაისაჯოს.

"პოლიტიკური პროცესების მანიპულირება, ასეთი აბსოლუტურად მიუღებელი ფორმებით არ უნდა ხდებოდეს. ჩვენ კიდევ ერთხელ მოვუწოდებთ, გამოძიებას, რომ ძალიან სწრაფი მოქმედებები განახორციელოს, იმიტომ, რომ საზოგადოებას პასუხები და რეაქციები სჭირდება. თუ ჩვენ გვინდა, რომ 2016 წლის საპარლამენტო არჩევნები, ნორმალურ, სამართლებრივ, არა ძალადობრივ გარემოში ჩატარდეს,აუცილებელია, რომ კორცხელის ინციდენტში მონაწილე, ან შესაძლო მფარველი ადამიანები სამაგალითოდ დაისაჯონ. ეს მნიშვნელოვანია, იმისთვის, რომ მსგავსი ფაქტები არ მოხდეს", - განაცხადა ფიქრია ჩიხრაძემ.

შეგახსენებთ, რომ დღეს გამართულ ბრიფინგზე „ერთიანი ნაციონალური მოძრაობის“ წარმომადგენლებმა ირმა ნადირაშვილმა და ოთარ კახიძემ ჟურნალისტებს დოკუმენტები წარუდგინეს, რომლის თანახმადაც „კალა კაპიტალი“ ფულს კორცხელის ინციდენტში მონაწილე პირებს ურიცხავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს

გადაწყვეტილება მიღებული არაა, ვმსჯელობთ – სალია რუსთავის N6 ციხის უფროსის გათავისუფლებაზე