|
2016-06-15 16:03:45, 660 ნახვა
პოლიტიკა
ზაფხულის მეორე ნახევარი ცხელი იქნება, ტემპერატურა 39-40 გრადუსამდე აიწევს
ივლისის შუა რიცხვებიდან საქართველოში ტემპერატურა მკვეთრად მოიმატებს, რაც აგვისტოს ბოლომდე გასტანს. დრო და დრო იქნება ხანმოკლე წვიმაც, ძირითადად აჭარაში, თუმცა მთლიანობაში ზაფხულის მეორე ნახევარი ცხელი იქნება. ამის შესახებ, „ექსპრესნიუსს“გარემოს ეროვნული სააგენტოს ჰიდრომეტეოროლოგიის დეპარტამენტის ამინდის გრძელვადიანი პროგნოზების სამმართველოს უფროსმა ხათუნა ქოქოსაძე განუცხადა. მისივე თქმით, ახლა სიცხეა, თუმცა ხვალიდან აგრილება. სიგრილე რამდენიმე დღე გაგრძელდება. 25 ივნისიდან კი ტემპერატურა ისვე მოიმატებს. „დაცხა, მაგრამ რამდენიმე დღე ისევ აგრილდება. ხვალიდან დასავლეთ საქართველოში წვიმებია მოსალოდნელი, აღმოსავლეთ საქართველოშიც გაწვიმდება, შესაბამისად ტემპერატურაც დაიწევს. 20-25 ივნისიდან ისევ გამოიდარებს და ტემპერატურა მოიმატებს. რაც შეეხება შემდეგ პერიოდს, ივლისის შუა რიცხვებიდან აგვისტოს ჩათვლით ცხელი და უნალექო ამინდებია მოსალოდნელი. თუმცა ეს იმას არ ნიშნავს, რომ წვიმა საერთოდ არ იქნება. ტემპერატურა ნორმაზე ერთი გრადუსით მაღალი იქნება. აგვისტოში ტემპერატურის საკმაოდ მომატებაა მოსალოდნელი. შესაძლებელია ტემპერატურამ 39-40 გრადუსს მიაღწიოს. ეს იქნება ივლისის შუა რიცხვებიდან აგვისტოს ბოლომდე, თუმცა როგორც აღვნიშნე, შიგადაშიგ ხანმოკლე წვიმები იქნება. წვიმები უფრო დასავლეთ საქართველოშია მოსალოდნელი, კონკრეტულად კი აჭარის რეგიონში. მაგრამ გადაბმული წვიმები არ იქნება. ასეთივე ამინდები იყო წინა ორ წელს. ივნისი იყო გრილი, ივლისსა და აგვისტოში კი ტემპერატურამ მკვეთრად მოიმატა. წელს საშუალო მრავალწლიან მუშაობასთან ტემპერატურა ერთი გრადუსით მაღალი მაინც იქნება“, - განაცხადა ხათუნა ქოქოსაძემ.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)