2016-06-10 08:59:32, 576 ნახვა

---

უსუფაშვილი ვარაუდობს, რომ ვიზალიბერალიზაციის ადრეული შეწყვეტის მექანიზმის ამოქმედებამდე, უვიზო მიმოსვლის გაფორმება მოსალოდნელი არ არის

საქართველოს პარლამენტის თავმჯდომარე დავით უსუფაშვილი ვარაუდობს, რომ  ვიზალიბერალიზაციის ადრეული შეწყვეტის მექანიზმის ამოქმედებამდე, უვიზო მიმოსვლის გაფორმება მოსალოდნელი არ არის.

უსუფაშვილის თქმით, 10 ივნისი საქართველოსთვის ნამდვილად არ არის საბოლოო დღე.

ამასთან, მისივე განცხადებით,  ჯერ გაკეთდება ვიზალიბერალიზაციის შეთანხმების ადრეული შეწყვეტის მექანიზმი, რომელიც ევროკავშირს აქვს შესამუშავებელი, არა მხოლოდ საქართველოსთან, არამედ ნებისმიერ სხვა ქვეყანასთან.

„ჩვენ ბევრი გადამწყვეტი დღე გვექნება წინ. ასე რომ, 10 ივნისი ნამდვილად არ არის საბოლოო დღე. მეტიც,  ძალიან კონკრეტულ გადაწყვეტილებებს ჩვენ არ ველოდებით, რადგან  შეთანხმება უფრო მიდის იქით, რომ ჯერ გაკეთდება ვიზალიბერალიზაციის შეთანხმების ადრეული შეწყვეტის მექანიზმი, რომელიც ევროკავშირს აქვს შესამუშავებელი, არა მხოლოდ საქართველოსთან, არამედ ნებისმიერ სხვა ქვეყანასთან  და შემდგომ ვიზალიბერალიზაციის შეთანხმებები გაფორმდეს. ასე რომ, ევროკავშირის შს მინისტრების შეხვედრა არის მორიგი მნიშვნელოვანი შეხვედრა, მაგრამ არა გადამწყვეტი. ასე რომ, ამ შეხვედრის შედეგზე ნუ ავაგებთ ნურაფერს, ნურც ოპტიმისტურს, ნურც პესიმისტურს“,-განაცხადა დავით უსუფაშვილმა.

 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი