სამცხე-ჯავახეთში,  ხიზაბავრაში, მესხური ჯიშის  ტერასული ვენახების აღდგენა დაიწყო. ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის სხდომაზე განაცხადა.

„სამცხე-ჯავახეთში, ძალიან მისასალმებელი პროცესი დაიწყო - მესხური ჯიშის ტერასული ვენახების აღდგენა ხიზაბავრაში. ეს არის საჯარო და კერძო სექტორებს შორის პარტნიორობის კიდევ ერთი ძალიან კარგი მაგალითი. როდესაც სახელმწიფო, თი-ბი-სი ჯგუფთან ერთად, არის ასეთი პიროვნება, გიორგი ნათენაძე, რომელიც გახლდათ ინიციატორი ამ ძალიან მნიშვნელოვანი პროექტის, ახორციელებს მას.

 რა თქმა უნდა, ამას წინ უძღოდა იქ მოსახლე არაერთი ადამიანის თავდადებული პატრიოტიზმი, რომლებიც წლების განმავლობაში ინახავდნენ ამ ჯიშებს ეს იყო, თუ არ ვცდები, ბატონი ალექსანდრე დევნოსაძე და კიდევ რამდენიმე არაერთი ასეთი ადამიანი და, რა თქმა უნდა, ასევე, აღსანშნავია ჯიღაურას მეურნეობა, რომელმაც უდიდესი სამუშაო გაწია, 20 მილიონ ლარზე მეტი ინვესტიცია იქნა დახარჯული ფონდი „ქართუს“ მიერ და ეს მეურნეობა მთლიანად უსასყიდლოდ გადმოეცა სახელმწიფოს, სადაც 460-ზე მეტი ქართული ჯიში არის შენახული და ეს ჯიშები უკვე მომავალში იქნება ხელმისაწვდომი ყვველა მეურნისთვის, რომელიც მოისურვებს ტრადიციული ავთენტური ქართული ჯიშების განვითარებას”, - განაცხადა  გიორგი კვირიკაშვილმა.

მისივე თქმით, ვარძიის კომპლექსის გარშემო სხვადასხვა ძალიან მნიშვნელოვანი კულტურული კერების, კულტურული მემკვიდრეობის ობიექტების აღდგენა მიმდინარეობს:

„როგორიც არის მაგალითად სოფელი ჭაჭყარი, ისტორიული სოფელი, რომელსაც გააჩნდა სამეურნეო ფუნქცია ვარძიის კომპლექსის მომარაგების. ჩვენ დავიწყეთ კერძო სექტორთან ერთად ასევე, თი-ბი-სი ჯგუფი და არქიტექტურული კომპანია „არსი“ არიან ჩართული ამ პროექტში. ჩვენ მათთან ერთად ვახდენთ ისტორიული, ქვაში გამოკვეთილი საწნახელების სოფლის აღდგენას, სადაც იქნება აგროტურიზმი განვითარებული ასევე და ეს არ იქნება მხოლოდ და მხოლოდ ისტორიული ნაგებობა, ჩვენ ვგეგმავთ, რომ ადამიანები დავაბრუნოთ ამ სოფელში და იქ იცხოვრონ ადამიანებმა და განავითარონ ეს ისტორიული მეურნეობა, რომელიც მართლაც და არის უნიკალური და არის ერთ-ერთი მარგალიტი ჩვენი კულტურული მემკვიდრეობის.

 ამას გარდა, ვარძიის გარშემო მომდინარეობს არაერთი ასეთი სამუშაო. ჩვენ, მოგეხსენებათ, ეკონომიკის სამინისტროში გავაკეთეთ ვარძია-ხერთვისის მთლიანი, გენერალური დაგეგმარება იმისათვის, რომ კულტურული მემკვიდრეობა იყოს დაცული ამ ტერიტორიაზე და მომავალი განვითარება მოხდეს კანონზომიერად, რათა არ დაირღვეს კულტურული ლანდშაფტი და შემოინახოს პირვანდელი სახით. ასევე, ძალიან მნიშვნელოვანია ვარძიის კომპლექსის 4-წლიანი შენახვა-განვითარების გეგმა, რომელსაც კულტურის სამინისტრო ახორციელებს. ასევე, ფონდ „ქართუსთან“ ერთად.

ვარძიის კომპლექსის მთლიანად, სამეცნიერო დონეზე, საერთაშორისო ექსპერტების ჩართვით შენახვა-განვითარების გეგმის შემუშავება ხდება და ამ გეგმის მიხედვით, ნაბიჯ-ნაბიჯ მოხდება იმ აუცილებელი ინფრასტრუქტურის განვითარება, რომელიც ვარძიის კომპლექსს დაიცავს როგორც ბუნებრივი კატაკლიზმებისაგან, ასევე მისი განვითარების გეგმაზომიერ, დროში გაწერილ გეგმას შეიმუშავებს.

ეს ნამდვილად მისასალმებელია და კულტურის სამინისტროს მინდა მადლობა გადავუხადო ამ ძალიან მნიშვნელოვანი გეგმისთვის და რა თქმა უნდა ფონდ „ქართუს“. ჩვენი ერთობლივი დაფინანსებით ხორციელდება ეს პროექტი”, - განაცხადა გიორგი კვირიკაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სერგეი კირიენკო: რუსეთი მტკიცედ უჭერს მხარს აფხაზეთის სუვერენულ განვითარებას

ელენე ხოშტარია: „ქართული ოცნების“ იზოლაცია შემდგარი ფაქტია

გრიგოლ ბესელია, მზია ამაღლობელის საქმის მოწმე, შსს-ს თანამშრომელი აღარაა

საპატრიარქომ წმინდა სინოდის სხდომის ოქმი გამოაქვეყნა