საქართველოს სჭრიდება სწრაფი ეკონომიკური ზრდა, თუმცა იმის გათვალისწინებით, რომ პროგნოზი კიდევ უფრო ნაკლები იყო არსებულ მაჩვენებელზე, 4.3% იმედის მომცემია , - ამის შესახებ არასამთავრობო ორგანიზაცია "საზოგადოება და ბანკების" თამჯდომარემ, გიორგი კეპულაძემ საქსტატის მონაცემების შეფასებისას "ექსპრესნიუსს" განუცხადა.

მისივე განმარტებით, საქართველოსთვის მნიშვნელოვანია, რომ აღნიშნული მონაცემები უფრო სწრაფად იზრდებოდეს.

"ამჟამინდელი მონაცემების თანახმად პროდუქტის ზრდის ტემპი არ არის სასაკმარისი ჩვენი ქვეყნისთვის. საქართველოში ეს მაჩვენებელი არა 4 და 5%-ს, არამედ 7-9% მაინც უნდა შეადგენდეს. ამ ზრდის ტემპით, საშუალო ევროპული ქვეყნის მაჩვენებელს შეიძლება 50 წელშიც ვერ დავეწიოთ", - განაცხადა კაპულაძემ.

როგორც კეპულაძემ "ექსპრესნიუსს" განუცხადა, იმპორტის მაჩვენებელი C ჰეპატიტის სამკურნალო პრეპარატების ხარჯზეა გაზრდილი, თუმცა მისივე განმარტებით წმინდა იმპორტი შედარებით შემცირებულია.

"იმპორტი წელს უფრო მეტად შემცირდა ვიდრე ექსპორტი, რადგან ექსპორტი კიდევ უფრო ადრე შემცირდა. სწორედ ამან გამოიწვია სავაჭრო ბალანსის გაუმჯობესება და დღეს სავაჭრო ბალანსი უკეთესი გვაქვს ვიდრე გვქონდა წინა წლის განმავლობაში. მათ შორის ამან ლარის კურსის გამყარებაც გამოიწვია.

აღსანიშნავია, რომ იმპორტის შემცირება კარგი არ არის. ეს იმას ნიშნავს, რომ ჩვენ ნაკლებს შევიძენთ უცხოურ პროდუქციას, ნაკლების შეძენის საშუალება გვაქვს და ამიტომ მცირდება იმპორტი. სასურველია, რომ ქვეყნიდან ექსპორტი გაიზარდოს. ამას მოჰყვება ქვეყანაში სავალუტო შემოდინება. თუ იმპორტის ზრდა მოხდება პარალელურად და ეს არ დაარტყავს სავაჭრო ბალანსს ეს არ იქნება საგანგაშო" - განაცხადა კეპულაძემ.

შეგახსენებთ, რომ წინასწარი შეფასებით, წინა წლის შესაბამის პერიოდთან შედარებით, აპრილში რეალური მთლიანი შიდა პროდუქტის ზრდის ტემპმა 4,3 პროცენტი შეადგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა

რუსეთმა სამხედრო ბიუჯეტის დასაფინანსებლად 1998 წლის შემდეგ ყველაზე დიდი ოქროს მარაგის გაყიდვა განახორციელა.

საფრანგეთში არეულობის შედეგად მიყენებულმა ზარალმა 1 მილიარდ ევროს გადააჭარბა