2016-05-28 22:29:19, 693 ნახვა

---

ბურჭულაძე: თუ შევძლებთ, რუსეთი დავარწმუნოთ, რომ ჩვენ მათი მტრები არ ვართ, ჩვენ მივაღწევთ ჩვენს საწადელს

"თუ შევძლებთ, რუსეთი დავარწმუნოთ, რომ ჩვენ მათი მტრები არ ვართ, ჩვენ მივაღწევთ ჩვენს საწადელს"  - ამის შესახებ პოლიტიკური მოძრაობა "სახელმწიფო ხალხისთვის" დამფუძნებელმა პაატა ბურჭულაძემ "კურიერის" პირდაპირ ეთერში განაცხადა.

ბურჭულაძე რუსეთთან ურთიერთობაზე საუბრობს და აღნიშნავს, რომ რაღაც სახით მაინც, მასთან აუცილებლად უნდა აღდგეს. ბურჭულაძე ასევე საუბრობს, რომ ნატო არის გამოსავალი, სადაც საქართველო თავს დაცულად იგრძნობს.

„რადგან საქართველოს მოსახლეობას უნდა, ჩვენ ამ გზას აუცილებლად გავყვებით. თუ ჩვენ შევძლებთ, რომ რუსეთი დავარწმუნოთ, რომ ჩვენ მათი მტრები არ ვართ, ჩვენ მივაღწევთ ჩვენს საწადელს,“ - განაცხადა პაატა ბურჭულაძემ.

ბურჭულაძე ასევე შეეხო კარასინი-აბაშიძის ფორმატსაც და აღნიშნა, რომ ამ ფორმატმა გარკვეული შედეგები მოიტანა საქართველოსთვის.

„საჭიროა, კიდევ სხვა გზები მოინახოს მოსალაპარაკებლად. არ არის ეს საკმარისი," - განაცხადა პაატა ბურჭულაძემ.

მან აქვე აღნიშნა, რომ რუსეთთან მიმართებაში საუკუნეების განმავლობაში არასწორი პოლიტიკა არსებობს.

„ზედმეტი ნდობა გვაქვს რუსეთის მიმართ და ეს ზედმეტი ნდობა ძალიან ცუდად აისახა ჩვენს ისტორიაზე,“ - განაცხადა პაატა ბურჭულაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი