პაატა ბურჭულაძე: ეკლესიასთან მოლაპარაკება ყველაფერზე შეიძლება

2016-05-28 21:01:59, 475 ნახვა

პოლიტიკა

"ყველაფერზე შეიძლება მოლაპარაკება ეკლესიასთან" - ამის შესახებ მოძრაობა სახელმწიფო ხალხისთვის” ლიდერმა პაატა ბურჭულაძემ ტელეკომპანია ”იმედის” ეთერში განაცხადა.

მისი განცხადებით, "თუ პატრიარქი რამეს იტყვის და თავის ერსა და შვილებს შესთავაზებს, მე მგონი, ეს ყურადსაღებია".

”მე ძალიან მიყვარს ჩემი პატრიარქი, ისე მიყვარს, რომ არ მინდა ახლა ის ჩავაყენო უხერხულ მდგომარეობაში. მე რომ დღეს მოგიყვეთ ჩვენს ურთიერთობებზე, ძალიან უხერხული იქნება, ამიტომაც მე გეტყვით ერთ რამეს, ის თუ რამეს იტყვის და თავის ერსა და შვილებს შესთავაზებს, მე მგონი, ეს ყურადსაღებია და მას უნდა მივაქციოთ ძალიან დიდი ყურადღება. არის რაღაც მომენტები, სადაც ეკლესიას არ შეუძლია დათანხმდეს სახალხო აზრს, მაგრამ ესეც უნდა ვიცოდეთ, რომ ეკლესია ამას იძახის არა იმიტომ, რომ ეს მისი აზრია, არამედ იმიტომ, რომ ეკლესიამ ასე უნდა თქვას. ამის გათვალისწინებით ყველაფერზე შეიძლება მოლაპარაკება ეკლესიასთან, მე გეუბნებით, რომ ძალიან ყურადსაღებია, რასაც უწმინდესი ამბობს”, - განაცხადა პაატა ბურჭულაძემ.