პუტინი აშშ-ს აფრთხილებს: არაფერს მოვიმოქმედებთ, სანამ თქვენს რაკეტებს არ ვნახავთ რუმინეთსა და პოლონეთში

2016-05-28 11:33:30, 1376 ნახვა

მსოფლიო

რუსეთის პრეზიდენტის ვლადიმერ პუტინის განცხადებით, თუ პოლონეთსა და რუმინეთში ამერიკის შეერთებული შტატების რაკეტები განთავსდება, რუსეთი იძულებული იქნება, აღნიშნულ ქმედებებს უპასუხოს.

ამის შესახებ BBC იუწყება.

როგორც პუტინმა აღნიშნა, ვაშინგტონის ანტისარაკეტო ფარი რუმინეთსა და პოლონეთში მისი ქვეყნის უსაფრთხოებას პირდაპირ საფრთხეს უქმნის.

"ჩვენ ველოდებით, სანამ გარკვეული ქმედებები იქნება მიღებული, პოლონეთსა და რუმინეთში. ჩვენ არაფერს მოვიმოქმედებთ იქამდე, სანამ რუსეთის მახლობლად მდებარე ქვეყნების საჰაერო სივრცეში რაკეტებს არ ვნახავთ. ჩვენი მხრიდან რეაგირება მხოლოდ ამის შემდეგ მოხდება. ამის შესაძლებლობები გვაქვს", - განაცხადა ვლადიმერ პუტინმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან