2016-05-27 15:05:45, 740 ნახვა

---

კორძაია: მიჩნდება შთაბეჭდილება, ხვალ დაადგენენ ცოლ-ქმარს შორის სქესობრივი კავშირი თვეში რამდენჯერ უნდა იყოს

მიჩნდება შთაბეჭდილება, რომ ამ პროექტის ინიციატორები ხვალ დაადგენენ ცოლ-ქმარს შორის სქესობრივი კავშირი თვეში რამდენჯერ უნდა იყოს, - ასე გამოეხმაურა "რესპუბლიკური პარტიის" წევრი თამარ კორძაია პარლამენტში ქორწინების განსაზღვრასთან დაკავშირებით კონსტიტუციაში შესატანი ცვლილებების განხილვას.

კორძაიას განცხადებით, მომზადებულ ცვლილებებთან დაკავშირებით პარლამენტი აბსოლუტურად არასაჭირო კანონპროექტზე მსჯელობს.

მისივე თქმით, ის რაც ხდება პარლამენტში არის უსაქმურობა.

,,დღეს რაც ხდება პარლამენტში არის უსაქმურობა, რადგან აბსოლუტურად არასაჭირო კანონზე მსჯელობა ხდება. მითუმეტეს, რომ არ არის მისაღები ის ფორმა რა ფორმითაც და ტექსტებითაც საუბრობს მომხსნებელი. უბრალოდ მიჩნდება შთაბეჭდილება, რომ ამ პროექტის ინიციატორები ხვალ დაადგენენ ცოლ-ქმარს შორის სქესობრივი კავშირი თვეში რამდენჯერ უნდა იყოს“, - განაცხადა თამარ კორძაიამ.

შეგახსენებთ, ამ წუთებში პარლამენტში დეპუტატები ქორწინების განსაზღვრასთან დაკავშირებით კონსტიტუციაში შესატან ცვლილებებზე მსჯელობენ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი