2016-05-27 10:01:55, 634 ნახვა

---

„საკონსტიტუციო სასამართლოს შესახებ“ კანონპროექტზე ვენეციის კომისიის დასკვნა 27 მაისს გამოქვეყნდება

ვენეციის კომისია ცვლილებებთან დაკავშირებით დასკვნას დაჩქარებული წესით მიიღებს და კომისიის პოზიცია 27 მაისს გამოქვეყნდება, - ამის შესახებ საქართველოს პრეზიდენტის მრჩეველმა კახა კოჟორიძემ განაცხადა.

უშიშროების საბჭოს ინფორმაციით, ვენეციის კომისიის ხელმძღვანელებთან კონსულტაციებზე პარლამენტის მიერ საკონსტიტუციო სასამართლოს საქმიანობასთან დაკავშირებულ კანონმდებლობაში ცვლილებების პაკეტი განიხილეს.

ქართულმა მხარემ კომისიის წარმომადგენლებს ცვლილებებთან დაკავშირებით საქართველოს პრეზიდენტის პოზიცია გააცნო. როგორც შეხვედრაზე გაირკვა, ვენეციის კომისია ცვლილებებთან დაკავშირებით დასკვნას დაჩქარებული წესით მიიღებს და კომისიის პოზიცია დღეს გამოქვეყნდება.

ცნობისთვის, საქართველოს პრეზიდენტის მრჩეველი კახა კოჟორიძე სტრასბურგში, ვენეციის კომისიის მდივანს თომას მარკერტსა და საკონსტიტუციო სამართალწარმოების მიმართულების ხელმძღვანელს რუდოლფ დურს შეხვდა. შეხვედრას ასევე საქართველოს ეროვნული უშიშროების საბჭოს მდივნის მოადგილე ლევან ბოძაშვილი ესწრებოდა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი