ხიდაშელი: პირველად ისტორიაში, საქართველოს მოსახლეობას დამოუკიდებლობის დღეს ნატოს ქართული ასეული ულოცავს

2016-05-26 13:04:14, 537 ნახვა

პოლიტიკა

„ის რაც დღეს ხდება თავისუფლების მოედანზე, მათ შორის წარმოდგენილი ამერიკული ტექნიკა არის დასტური, რომ საქართველო მარტო არ არის და ჩვენ გვყავს ერთგული მეგობრები“, - ამის შესახებ საქართველოს თავდაცვის მინისტრმა თინა ხიდაშელმა დამოუკიდებლობის დღესთან დაკავშირებით ჟურნალისტებს განუცხადა.

მისივე თქმით, დღეს მოედანზე ძალიან ბევრი მნიშვნელოვანი რამ ხდება.

„ქართულ ჯარში არ წყდება სამხედრო მოსამსახურის ფორმის მსურველთა რიცხვი. ეს იმის დასტურია, რომ ქვეყანა აუცილებლად გაიმარჯვებს. დღეს მოედანზე ძალიან ბევრი მნიშვნელოვანი რამის თანხვედრაა, აქ არის პირველი ქართული ნატოს ასეული. ეს არის პირველი შემთხვევა საქართველოს დამოუკიდებლობის ისტორიაში, როდესაც თავისუფლების მოედანზე საქართველოს მოსახლეობას დამოუკიდებლობის დღეს ნატოს ქართული ასეული ულოცავს“,-განაცხადა ხიდაშელმა.

მინისტრის თქმით, თავისუფლების მოედანზე ამერიკელი და ბრიტანელისამხედრო პარტნიორები იმყოფფებიან.

„სიახლე გვაქვს ის, რომ პოლონელების ასეული სპეციალურად ჩამოვიდა საქართველოში ამ დღის მოსალოცად , ხოლო ყველაზე მთვარი არის ჩვენი ახალწვეულები, რომლებიც ჯარში მოვიდნენ საკუთარი სურვილით“, - დასძინა თინა ხიდაშელმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან