ვახტანგ ბუცხრიკიძე: საბანკო სექტორი მაქსიმალურად შევეცდებით კრიზისიდან ნაკლები დანაკარგებით გამოვიდეთ

2015-02-25 15:20:50, 577 ნახვა

ეკონომიკა

„საბანკო სექტორი მაქსიმალურად შევეცდებით, რომ კრიზისიდან ნაკლები დანაკარგებით გამოვიდეთ“,-ამის შესახებ „თიბისი ბანკის“ გენერალურმა დირექტორმა ვახტანგ ბუცხრიკიძემ ეროვნულ ბანკში შეხვედრის დასრულების შემდეგ ჟურნალისტებს განუცხადა.
კითხვაზე რას ურჩევდა მთავრობას შექმნილი სიტუაციიდან გამოსავლის მოსაძებნად, ბუცხრიკიძემ განაცხადა, რომ 2015 წლის განმავლობაში მთავრობამ ბიზნესმა და ბანკებმა მაქსიმალურად, ერთობლივად უნდა იმუშაონ, რათა ქვეყანაში უცხოური ინვესტიციები შემოვიდეს.
„ეს არის სავალუტო შოკი და სავალუტო შოკი საბანკო სექტორისთვის ძალიან ცუდია, მაგრამ საბანკო სექტორი მაქსიმალურად შეეცდება ამ კრიზისიდან ნაკლები დანაკარგებით გამოვიდეთ. ალბათ მთავრობამ და ბიზნესმა იგივე ბანკებმა, ერთობლივად უნდა ვიმუშაოთ 20 15 წლის განმავლობაში და ერთად მუშაობით შევძლოთ ის, რომ მეტი ტურისტი შემოვიდეს ქვეყანაში, მეტი დაიხარჯოს ინფრასტრუქტურულ პროექტებზე და ერთობლივად ცალკე მთავრობამ, ცალკე ბიზნესმა და ცალკე ბანკებმა ხელი შევუწყოთ იმას, რომ ქვეყანაში მეტი უცხოური ინვესტიცია შემოვიდეს“,-განაცხადა ვახტანგ ბუცხრიკიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან