2015-02-25 15:02:03, 1669 ნახვა

---

ხადური 147 მილიონი ლარის დახარჯვის თაობაზე გავრცელებულ ინფორმაციას, სამთავრობო მანქანების შესყიდვაზე მანიპულაციას უწოდებს

ფინანსთა მინისტრი ნოდარ ხადური არასამთავრობო ორგანიზაცია „საერთაშორისო გამჭვირვალობა-საქართველოს“ მიერ გავრცელებულ ინფორმაციას  მანიპულაციას უწოდებს.
„იქ ჩამოთვლილია დასუფთავების, პატრულის, სახანძრო მანქანები, ცხადია აღნიშნული ტიპის მანქანების შეძება ხდებოდა და მოხდება იმისათვის, რომ ინფრასტრუქტურა იყოს გამართული. რაც შეეხება  EBRD-ის სამასპინძლოდ შეძენილ მანქანებს ისინი ქვეყანაში დარჩება“,-განაცხადა ნოდარ ხადურმა.
შეგახსენებთ, რომ არასამთავრობო ორგანიზაცია „საერთაშორისო გამჭვირვალობა–საქართველომ“ სხვადასხვა სახელმწიფო უწყებების მიერ ბოლო წლებში ავტოსატრანსპორტო საშუალებების შესყიდვის შესახებ ინფორმაციას გაავრცელა.
 ორგანიზაციის ცნობით, 2013–2015 წლებში სახელმწიფო უწყებებმა საერთო ჯამში 147 მილიონი ლარის ღირებულების ავტოსატრანსპორტო საშუალებები შეიძინეს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი