2016-05-24 12:01:06, 576 ნახვა
პოლიტიკა
ე.წ. სამხრეთ ოსეთი საქართველოსთან "საზღვარს" ერთი დღით ჩაკეტავს
სამხრეთ ოსეთის დე-ფაქტო ხელისუფლება ე.წ. საზღვარს ერთი დღით ჩაკეტავს. "საზღვარი" ოთხშაბათს, ბოლო ზარის გამო ჩაიკეტება. სამხრეთ ოსეთში მიღებულ გადაწყვეტილებას უსაფრთხოების ზომების გამკაცრებით ხსნიან.
ბოლო ზარი სამხრეთ ოსეთში 25 მაისსაა. როგორც ცნობილია, ამ დღესთან დაკავშირებით რამდენიმე საზეიომო ღონისძიებაა დაგეგმილი.
"მიღებული გადაწყვეტილება უსაფრთხოების ზომებთანაა დაკავშირებული. საქართველოსთან საზღვარი ამ მიზეზით, ერთი დღით ჩაიკეტება", - აცხადებენ სამხრეთ ოსეთის დე-ფაქტო ხელისუფლებაში.
ე.წ. საზღვარი 26 მაისს გაიხსნება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
