ბელგიაში საქართველოს საელჩოს, ვალონიის, ფლანდრიის და ბრიუსელის რეგიონის ექსპორტისა და საინვესტიციო სააგენტოების ორგანიზებით, ბიზნეს კონფერენცია ''Belgium-Georgia Partnerships: A promising Match" გაიმართა.

საქართველოს საგარეო უწყების ინფორმაციით, კონფერენცია, რომელიც ვალონიის ექსპორტის და ინვესტიციების სააგენტოს AWEX ოფისში გაიმართა, ბელგიაში საქართველოს საგანგებო და სრულუფლებიანმა ელჩმა, ნატალი საბანაძემ გახსნა.

ღონისძიების ფარგლებში საქართველოს ეროვნული საინვესტიციო სააგენტოს დირექტორმა, გიორგი პერტაიამ საქართველოს საერთო და სექტორული ბაზრის შესახებ პრეზენტაცია წარადგინა.

დამსწრე საზოგადოებას ასევე სიტყვით მიმართა ევროპის საგარეო ქმედებათა სამსახურში აღმოსავლეთ პარტნიორობის სექციის ხელმძღვანელმა, დირკ შუბელმა, რომელმაც  ევროკავშირთან ასოცირების შეთანხმების და DCFTA-ს ხელმოწერის შემდეგ ქართული ბიზნესისთვის და ინვესტორებისთვის გაჩენილი შესაძლებლობების შესახებ ისაუბრა.

ქართული ბიზნესის მიმართ ბელგიური კომპანიების ინტერესის შესახებ ისაუბრეს ვალონიის ექსპორტისა და ინვესტიციების სააგენტოს ეკონომიკურმა და სავაჭრო კომისარმა, ერიკ ბლეტარმა და ფლანდრიის ინვესტიციებისა და ვაჭრობის სააგენტოს ეკონომიკურმა და სავაჭრო კომისარმა, რაფ პაუველსმა. 

კონფერენციის ფარგლებში სიტყვით გამოვიდნენ ასევე ბელგიელი ბიზნესმენები. ბელგიური კომპანიების: Tractabel-ის  და T.D. Williamson-ის წარმომადგენელმა დამსწრე საზოგადოებას გაუზიარეს საქართველოში ბიზნესის კეთების საკუთარი გამოცდილება.

კონფერენციაზე მიწვეულ სტუმართა შორის იყვნენ ბიზნეს, ტურიზმის, სოფლის მეურნეობის, საბანკო, სატრანსპორტო, სამშენებლო, ენერგო და საკვები სექტორების წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times