თბილისის მერიის „ორთოპედიულ დაავადებათა სკრინინგისა და აღდგენითი თერაპიის“ ახალი ქვეპროგრამის ფარგლებში, სქოლიოზისა და ბრტყელტერფიანობის დიაგნოსტიკა 18 ათასამდე ბავშვს და მოზარდს ჩაუტარდა და მათგან 13 100-ს დაავადება დაუდგინდა.

როგორც „ექსპრესნიუსს“ თბილისის მერიიდან აცნობეს, ჯანდაცვისა და სოციალური მომსახურების საქალაქო სამსახურის უფროსი გელა ჩივიაშვილი ქვეპროგრამის მიმდინარეობის გაცნობის მიზნით, 130-ე სკოლას და აღდგენითი თერაპიის ცენტრ „ბაზის“ ეწვია, სადაც სკრინინგის და აღდგენითი თერაპიის პროცესს უშუალოდ დაესწრო.

გელა ჩივიაშვილის განცხადებით, თბილისის მერიის 2016 წლის ქვეპროგრამა ითვალისწინებს თბილისის მუნიციპალიტეტში რეგისტრირებულ 4-დან 15 წლის ასაკის ჩათვლით, ბავშვებსა და მოზარდებში სქოლიოზისა და ბრტყელტერფიანობის დიაგნოსტიკას.

„თბილისის მერია გამოკვლევას წელიწადში ერთხელ სრულად აფინანსებს. დიაგნოსტიკის ფარგლებში გამოვლენილი დაავადებების აღდგენითი თერაპია კი, პაციენტებს, რომლებსაც „სოციალურად დაუცველი ოჯახების მონაცემთა ერთიან ბაზაში“ 70 001-მდე სარეიტინგო ქულა აქვთ, მომსახურება წელიწადში ერთხელ უფინანსდებათ სრულად, ხოლო ყველა სხვა პირს, ვინც საყოველთაო ჯანდაცვის სახელმწიფო პროგრამის მოსარგებლეა -   70%-ის მოცულობით“ - აღნიშნა  გელა ჩივიაშვილმა.

აღდგენითი თერაპია მოიცავს - სამკურნალო ვარჯიშს, სამკურნალო მასაჟს, ფიზიოთერაპიას და საჭიროების შემთხვევაში რენტგენოგრაფიას.

აღდგენითი თერაპიის ცენტრის „ბაზის“ ერთ-ერთი დამფუძნებლის, პროფესორ გოგი ჩახუნაშვილის განცხადებით, სკრინინგის მიზანია ძვლოვანი სისტემის დეფორმაციისა და ჯანმრთელობის მდგომარეობის შემდგომი გართულებების 

თავიდან აცილება. „თუ სქოლიოზის პრევენცია არ ჩატარდა როგორც წესი და რიგია, შედეგები იქნება სავალალო“, - განაცხადა გოგი ჩახუნაშვილმა.

თბილისის მერიის პროგრამაში ჩასართავად მსურველებმა უნდა მიმართონ:

შპს „დედათა და ბავშვთა სამკურნალო-პროფილაქტიკური ცენტრი“, მიცკევიჩის ქ.29ა

შპს  " ულტრამედი“, თემქა 10 კვ.

შპს  "მედკაპიტალი",    გამრეკელის ქ. 19

სს ვერე XXI-ს „კლინიკა მედსი“, ლ. ქიაჩელის ქ.18

შპს "საოჯახო მედიცინის ეროვნული სასწავლო ცენტრი", ჯავახიშვილის ქ.43

შპს "M მედი 22", ბუაჩიძის ქ.12ა

შპს „თბილისის მე-13 პოლიკლინიკა“, რ. ლაღიძის ქ. 8

შპს „medison“, ალ. გობრონიძის ქ. 27

 შპს „Krol Medical Corporation“, ი. ჭავჭავაძის გამზ. 44

 შპს „თბილისის #4 საოჯახო მედიცინის ცენტრი“, ვაზისუბნის მე-4 მ/რ 1 კვ.

შპს „თბილისის #4 საოჯახო მედიცინის ცენტრი“, იუნკერთა ქ. 1

 შპს „თბილისის #4 საოჯახო მედიცინის ცენტრი“, ახალუბნის ქ. 10

 შპს  "მედკაპიტალი", ვეკუას 18

 შპს  ჰოლდინგი 23,      ხიზანიშვილის 28

 შპს "medison", კალოუბნის 12

 შპს "medison", ვაჟა-ფშაველას 83/11

შპს" Krol Medical Corporation", ნაქალაქევის 3 

 შპს "ბაზი", ლუბლიანას ქ.№21

 "სამედიცინო კორპორაცია ევექსი"-ტრავმატოლოგიური ჰოსპიტალი,  ლუბლიანას 21

 შპს"16 შერეული პოლიკლინიკა", ლილოს დას.გრანგულიანის ქ.19

შპს " ავერსის კლინიკა", ვაჟა-ფშაველას 27/ბ 

 კლინიკა "ნიუმედი“, მარიჯანის 4

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა