კუნძულ გუამზე აშშ-ის სამხედრო ბაზაზე B-52-ის ტიპის ბომბდამშენი ჩამოვარდა

2016-05-19 11:14:30, 1462 ნახვა

მსოფლიო

კუნძულ გუამზე აშშ-ის სამხედრო-საჰაერო ბაზაზე B-52-ის ტიპის ბომბდამშენი ჩამოვარდა, - ამის შესახებ BBC იუწყება.

მედიის ინფორმაციით, სამხედრო თვითმფრინავის ბორტზე ეკიპაჟის შვიდი წევრი იმყოფებოდა. აშშ-ის შიარაღებული ძალების განცხადებით, ინციდენტის შედეგად არავინ დაშავებულა.

ბომბდამშენს ჩამოვარდნის შედეგად ცეცხლი გაუჩნდა. B-52-ის ტიპის თვითმფრინავი წყნარ ოკეანეში მდებარე ამერიკულ სამხედრო ბაზაზე ჩრდილოეთ დაკოტადან გაგზავნეს.

B-52-ის ტიპის ბომბდამშენებს აშშ-ის შეიარაღებული ძალები უკვე 60 წელია იყენებენ. თვითმფრინავები გამოიყენებოდა ვიეტნამისა და ავღანეთის ომების დროს.

2008 წელს გუამის სამხედრო ბაზაზე ამავე ტიპის ბომბდამშენმა განიცადა კატასტროფა. მაშინ თვითმფრინავი ოკეანეში ჩავარდა, რის შედეგადაც ეკიპაჟის ექვსივე წევრი დიღუპა.

ცნობისთვის კუნძული გუამი, წყნარი ოკენის დასავლეთ ნაწილში მდებარეობს. კუნძული აშშ-ის შემადგენლობაშია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან