„საქართველოს რკინიგზის“ გენერალურმა დირექტორმა მამუკა ბახტაძემ და ვიცე-პრემიერმა/ენერგეტიკის მინისტრმა კახი კალაძემ 17 ქვეყნის რკინიგზის ადმინისტრაციების საბჭოს რიგით 64-ე სხდომა გახსნეს.

საბჭოს სხდომას ესწრება საქართველოს, ბელორუსიის, უკრაინის, ლიტვის, ლატვიის, აზერბაიჯანის, სომხეთის, ყაზახეთის, ყირგიზეთის, მოლდოვის, რუსეთის, ტაჯიკეთის, ირანის, თურქმენეთის, უზბეკეთის, ფინეთისა და ესტონეთის წარმომადგენლები - სულ 180.

„სარკინიგზო კომუნიკაცია და გადაზიდვები, ეს არის პატარა, თუ დიდი ხიდები ჩვენს ქვეყნებს შორის. ეს არის კავშირი აღმოსავლეთსა და დასავლეთს, ჩრდილოეთსა და სამხრეთს შორის. სიამაყით გვსურს აღვნიშნოთ, რომ საქართველოს რკინიგზას წამყვანი როლი უკავია ამ გეო ინტეგრაციულ კომუნიკაციაში. ჩვენი ქვეყანა ოდითგანვე ისტორიულად იყო ევროპისა და აზიის დამაკავშირებელი. ჩვენს ქვეყანაზე გადიოდა და გადის სავაჭრო ეკონომიკური, თუ კულტურული კავშირების უმოკლესი და ეფექტური გზა“, - განაცხადა სხდომაზე სიტყვით გამოსვლისას კახა კალაძემ.

სხდომის  დღის წესრიგით  გათვალისწინებულია  შემდეგი  საკითხების განხილვა: 63-ე სხდომის  გადაწყვეტილებების შესრულების  2016/2017 წწ; მატარებლის მოძრაობის  გრაფიკის  ნორმატივები;  2015 წელს  სატვირთო კონტეინერების  გადაწერის შედეგებისა და 2016 წელს  სატვირთო ვაგონების  გადაწერის პროცედურის  მომზადება; რკინიგზის ადმინისტრაციებს  შორის ანგარიშსწორების  მდგომარეობა 2015 წელს და  2016 წლის  პირველ კვარტალში.

„დღეს  ჩვენ ვატარებთ საერთაშორისო ფორუმს, რომელიც ითვლება  მთავარ ღონისძიებად სარკინიგზო  ინდუსტრიაში.  საქართველოში ასეთი  ღონისძიება არ ჩატარებულა 10 წელზე მეტია. ეს არის ჩვენთვის დიდი პასუხისმგებლობა. 17-მდე ქვეყნის წარმომადგენელი  ესწრება აღნიშნულ ფორუმს.  განსახილველ საკითხებში შედის როგორც ტექნიკური ხასიათის პროექტები, ისე-  კომერციული ხასიათის. გარდა ამისა, ჩვენ გუშინ  მოვაწერეთ ხელი ახალ შეღავათიან ტარიფებს, რომელიც ვფიქრობ, მნიშვნელოვნად გაგვიადვილებს დამატებითი ტვირთების მოზიდვას“,-განაცხადა „საქართველოს რკინიგზის“ გენერალურმა დირექტორმა მამუკა ბახტაძემ.

საბჭო 1992 წელს შეიქმნა და წელიწადშო ორჯერ იმართება. მისი მთავარი მიზანია შეიმუშავოს ტექნოლოგიური და ტექნიკური დოკუმენტები იმისათვის, რომ ხელი შეუწყოს საბჭოს წევრი ქვეყნების რკინიგზების ურთიერთთანამშრომლობას საერთაშორისო სარკინიგზო მიმოსვლაში. საბჭო წევრი ქვეყნების რკინიგზებთან თანამშრომლობის გაღრმავებასა და მიმდინარე ტექნიკური საკითხების მოწესრიგებას უწყობს ხელს, რაც საქართველოს რკინიგზის სამუშაო ეფექტიანობაზე აისახება.

ფოტო რეპორტაჟი

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times