„გაერთიანებული დემოკრატები“ ვარაუდობენ, რომ უზენაესი სასამართლოს თავჯდომარეობის პოსტზე პრეზიდენტის მიერ წარმოდგენილ კანდიდატურას ნინო გვენეტაძეს საპარლამენტო უმრავლესობა მხარს არ დაუჭერს.
როგორც პარლამენტის  ფრაქცია „გაერთიანებული დემოკრატების“ თავჯდომარის მოადგილემ ნინო გოგუაძემ ჟურნალისტებს განუცხადა, იმ შემთხვევაში, თუ პარლამენტი გვენეტაძის კანდიდატურას ჩააგდებს, თავჯდომარის მოვალეობას ზაზა მეიშვილი შეასრულებს, რომელიც, მისივე შეფასებით, „ნაციონალური მოძრაობის“ ხელისუფლების დაკვეთებს ასრულებდა.
„პრეზიდენტის მიერ წარმოდგენილ კანდიდატურაზე უმრავლესობას ძალიან უჭირს ხოლმე დათანხმება. ნინო გვენეტაძის კანდიდატურას ალბათ ჩააგდებენ. კიდევ მივიღებთ ნაციონალური–ოცნების ალიანსს. თუ პარლამენტი ახალი მოსამართლის კანდიდატურას არ დაამტკიცებს, იქნება კოტე კუბლაშვილის შემცვლელი ზაზა მეიშვილი, რომელიც ყველას კარგად გვახსოვს, როგორ ასრულებდა „ნაციონალური მოძრაობის“ ხელისუფლების დაკვეთებს“, – აღნიშნა გოგუაძემ.
ცნობისთვის, გუშინ, იურიდიულ საკითხთა კომიტეტის სხდომა, სადაც  უზენაესი სასამართლოს თავჯდომარეობის პოსტზე პრეზიდენტის მიერ წარდგენილი კანდიდატურისთვის ნინო გვენეტაძისთვის უნდა მოესმინათ, ჩაიშალა.   სხდომაზე 6 დეპუტატი გამოცხადდა, თუმცა ქვორუმით 8 კაცი იყო გათვალისწინებული.
იურიდიულ საკითხთა კომიტეტის სხდომაზე გვენეტაძის მოსმენა ხვალ, 12:00 საათზე  ჩაინიშნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება