"ჩვენ ნამდვილად არ გვჭირდება ტელევიზიებში ჩარევა" - ასე უპასუხა საქართველოს პრემიერ-მინისტრმა გიორგი კვირიკაშვილმა "იმედის" პირდაპირ ეთერში "რუსთავი 2-ის" შესახებ დასმულ შეკითხვას.

”ჩვენ ნამდვილად არ გვჭირდება ტელევიზიებში ჩარევა და ამ გზით რაიმე სახის გამარჯვების მიღწევა, რადგან ვფიქრობთ, რომ ადამიანები ქვეყანაში მაინც გრძნობენ განსხვავებას და არსებობს სხვა საშუალებები, გარდა ”რუსთავი 2”-ისა, რომ შენს მოქალაქეებს ინფორმაცია მიაწოდო. ამიტომ მე მგონია, რომ თუ დაუშვათ იქ, რაიმე ცვლილება მოხდება, გაცილებით უფრო მეტი უარყოფითი ექნება სამთავრობო პარტიისთვის, განსაკუთრებით არჩევნებისთვის, რადგან ეს ათას ადამიანს მისცემს საშუალებას სპეკულირება მოხდინოს”, - განაცხადა კვირიკაშვილმა.

პრემიერმა აქვე აღნიშნა, რომ სასამართლო პროცესი გამჭვირვალეა და ღიაა, და თან დაამატა, რომ დასწრება შეიძლება, ”რაც სხვათა შორის, ადრე არ იყო ”.

”საშუალება არის, რომ გაიგონ რა ხდება, მათ შორის, უცხოელებმაც. ჩვენ საკუთარების დავაში ჩარევა ძალიან გაგვიჭირდება, მაგრამ იქნებ რაღაცნაირად მოხერხდეს. მართლა ძალიან გულით მინდა, რომ მათ გააგრძელონ, როგორც აკეთებენ. როგორ უნდა გინდოდეს ის, რომ ადამიანი არაობიექტურობას უყურებდე, მაგრამ კიდევ ვამბობ, მიუხედავად იმის, რომ ხანდახან ძალიან მტკივა გული, გაცილებით უფრო დიდი ზიანი იქნება იქედან, თუ მოხდება ამის ცვლილება. მე ეს კარგად მესმის”, - განაცხადა კვირიკაშვილმა. 
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times