2016-05-13 14:43:51, 578 ნახვა
საზოგადოება
ბარათაშვილის ხიდის ქვეშ საავტომობილო მოძრაობა შეიზღუდება
დღეს 00:00 საათიდან - 15 მაისის 09:00 საათამდე მარცხენა სანაპიროზე (ბარათაშვილის ხიდის ქვეშ) საავტომობილო მოძრაობა შეიზღუდება.
ამის შესახებ თბილისის მერიის კეთილმოწყობის საქალაქო სამსახურის განცხადებაშია აღნიშნული.
„ბარათაშვილის ხიდის რეაბილიტაციის ფარგლებში, დადაბლდა ასფალტის არსებული საფარი, რათა გაიზრდოს სიმაღლე ხიდსა და საავტომობილო გზას შორის და მაღალი ტვირთამწეობის მანქანებმა არ დააზიანონ ხიდის ძირითადი კონსტრუქცია.
აღნიშნულ მონაკვეთზე ამჟამად მიმდინარეობს სამუშაოების ბოლო ეტაპი. უნდა დაიგოს ასფალტის ზედა ფენა“, - ნათქვამია განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
