"მათ შორის არსებითი განსხვავება არაა" - ასე აფასებს საქართველოს პრეზიდენტი გიორგი მარგველაშვილი თამაზ მეჭიაურისა და "რესპუბლიკელების" დაპირისპირებას.

პრეზიდენტის განცხადებით "ეს ის გუნდია, რომელიც უნისონში მიპირისპირდებოდა, როდესაც იყო პრინციპულ საკითხებზე მსჯელობა და ის გუნდია, რომელიც უნისონში ვერ ხედავდა ხელისუფლებაში ჩემს ადგილს".

"ჩემთვის ამ პარტიებსა და პოლიტიკურ ფიგურებს შორის განსხვავება არ არის, იმიტომ, რომ იგივე პოლიტიკური პარტიების და ფრაქციების წარმომადგენლები უნისონში საუბრობდნენ პრეზიდენტის ინსტიტუტის შესუსტების, პრეზიდენტის მმართველობის დისკრედიტაციის თაობაზე. იმის თაობაზე, რომ პრეზიდენტის როლი მხოლოდ პანაშვიდზე სიარულია და პრეზიდენტი სხდომას რომ მოიწვევდა, ტელევიზიით მოუწოდებდნენ, ნუ დაუჯერებთ პრეზიდენტს და ნუ მიხვალთ ამ სხდომაზეო, იმიტომ, რომ დეპუტატი თურმე პარლამენტში არ უნდა მიდიოდეს პრეზიდენტის დაძახილზე. ეს ის გუნდია, რომელიც უნისონში მიპირისპირდებოდა, როდესაც იყო პრინციპულ საკითხებზე მსჯელობა და ის გუნდია, რომელიც უნისონში ვერ ხედავდა ხელისუფლებაში ჩემს ადგილს. ერთად ქმნიდნენ იმ კანონპროექტს და გმობდნენ პრეზიდენტის ვეტოს. ეს გუნდი უნისონში ახერხებდა იმას, რომ პრეზიდენტს უცხოეთიდან კორესპონდენცია არ მიეღო და ა.შ. ამიტომ ამ კამათში მე ნაკლებად ვერთვები". - განაცხადა მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს