ანტიკორუფციული კომიტეტის შექმნასთან დაკავშირებით საკანონმდებლო ინიციატივის განხილვასსაპროცედურო საკითხთა და წესების კომიტეტის სხდომაზე კამათი მოჰყვა.

პარლამენტის რეგლამენტში შესაბამისი ცვლილებების ინიციატორი ფრაქცია "ერთიანი ნაციონალური მოძრაობაა".

უმცირესობის წევრმი ირმა ნადირაშვილი  შეეცადა,  სქემის სახით წარმოედგინა, თუ რა ტიპის საქმეების გამოძიება შეიძლება მოხდეს ამ კომიტეტში:

„გაგაცნობთ, მაგალითად რა ტიპის საქმეების გამოძიება შეიძლება მოხდეს ამ კომიტეტში. ვიცით, როგორი ვითარებაა დღეს კულტურის სამინისტროში და როგორ ხდება სახელმწიფო შემოსავლების გადანაწილება კულტურის მინისტრის, მისი მოადგილეების, სსიპების თავმჯდომარეების, ფონდის ხელმძღვანელების ჯიბეებში. გვაქვს შემთხვევები, როდესაც ოჯახის წევრები პირდაპირ ხელშეკრულებებით ტენდერის გვერდის ავლით, ბიუჯეტიდან იღებენ  ამ შემოსავლებს.კარგად რომ დარწმუნდეთ, მოგიმზადეთ ეს პრეზენტაცია“,-განაცხადა ირმა ნადირაშვილმა.

საპროცედურო საკითხთა და წესების კომიტეტის თავმჯდომარე გიორგი კახიანმა ნადირაშვილს სთხოვა, უშუალოდ პროექტთან დაკავშირებით ესაუბრა:

„ბევრჯერ გაქვტთ ნათქვამი, გასაგებია თქვენი პოზიცია,  პროექტთან დაკავშირებით ისაუბრეთ. კომიტეტი თუ შეიქმნა, რა უნდა გამოიძიოთ, აქეთკენ მიდიხართ. ახალს არაფერს ამბობთ“,-აღნიშნა კახიანმა.

„ძალიან მარტივია, არსებობს არგუმენტი, რომ არსებობს სისტემური კორუფცია, სისტემური კორუფცია რომ არ იყოს და იყოს ნათელი ყველაფერი, ამიტომ იქმნება კომიტეტი“,-განმარტა სერგო რატიანმა.

„არ გეშველებათ არაფერი ბატონო, სერგო, არ გეშველებათ. თქვენი მხრიდან სისტემურ კორუფციაზე ლაპარაკს არავინ  იჯერებს. თქვენზე ნერვები როგორ უნდა მოიშალოს ნორმალურმა ადამიანმა, ატრიალეთ არღანივით ერთი და იგივე“,-მიუგო საპარლამენტო უმრავლესობის წევრმა ოთარ ჩრდილელმა.

„სისტემური კორუფციაა, შიდა ეზოდ  რომ გადააქცია ბიძინა ივანიშვილმა ბოტანიკური ბარი“,-უპასუხა რატიანმა.

ამის შემდეგ კომიტეტზე „ნაციონალური მოძრაობის“  ინიციატივის განხილვა გაგრძელდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს