საქართველოში ოფიციალური ვიზიტით ჩეხეთის რესპუბლიკის  პარლამენტის წარმომადგენელთა პალატის თავმჯდომარე იან ჰამაჩეკი იმყოფება.

 ჰამაჩეკი  დღეს პარლამენტის თავმჯდომარე დავით უსუფაშვილს შეხვდა.  შეხვედრის შემდეგ, მხარეებმა მედიისთვის ერთობლივი განცხადებები გააკეთეს.

იან ჰამაჩეკის თქმით,  ჩეხეთის რესპუბლიკა ევროინტეგრაციის პროცესში საქართველოს დასახმარებლად ყველაფერს გააკეთებს:

“მოხარული ვარ, რომ საქართველოში ვიმყოფები. დღეს ჩვენ ძალიან მნიშვნელოვან შეხვედრებს ვმართავთ, რომელზეც ვსაუბრობთ საქართველოს ევროპულ მომავალზე. ჩვენ ვუჭერდით და მყარად დავუჭერთ მხარს საქართველოს ევროპულ მომავალს და ყველაფერს გავაკეთებთ ევროინტეგრაციის პროცესში საქართველოს დასახმარებლად. საქართველო ელის ვიზალიბერალიზაციას და აქტიურად მუშაობს ევროკავშირის სტანდარტების დასაკმაყოფილებლად.მუშაობა ამ მიმართულებით, რა თქმა უნდა, გაგრძელდება და ჩეხეთი საქართველოს აქტიურ მხარდაჭერას განაგრძობს“,-აღნიშნა იან ჰამაჩეკიმ.

ჩეხეთის რესპუბლიკის  პარლამენტის წარმომადგენელთა პალატის თავმჯდომარე საქართველოს ხვალ დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს