საქართველოს პრეზიდენტმა გიორგი მარგველაშვილმა ფაშიზმზე გამარჯვების დღესთან დაკავშირებით გურჯაანში საბრძოლო დიდების მემორიალი - კარისკაცის მამის ობელისკი გვირგვინით შეამკო და ომში დაღუპულთა ხსოვნას პატივი მიაგო.

პრეზიდენტის ადმინისტრაციის პრესსამსახურის ინფორმაციით, გიორგი მარგველაშვილმა ობელისკთან შეკრებილ ომის მონაწილეებს გამარჯვების დღე მიულოცა და აღნიშნა, რომ მათ თავდადებას სახელმწიფო არასოდეს დაივიწყებს.

პრეზიდენტმა ფაშიზმზე გამარჯვებისა და მეორე მსოფლიო ომის ვეტერანთა მოძრაობის განვითარების საქმეში შეტანილი პირადი წვლილისათვის ღირსების ორდენებით დააჯილდოვა მარიამ ბეჟაშვილი, გიორგი ვანკო, ალექსანდრე  კახაბრიშვილი, მარიამ კევლიშვილი, გიორგი მათიაშვილი და ილია ჯავახიშვილი.

„მიხარია, რომ თქვენთან ერთად ვარ ამ ძალიან მნიშვნელოვან დღეს და თქვენთან ერთად ვზეიმობ. მიხარია, რომ ჩვენ შორის არიან ის გმირი ადამიანები, ვინც შესაძლებელი გახადა ეს დღე მილიონობით ადამიანებისათვის.

მაშინ, როდესაც ჩვენი ვეტერანები  ბრძოლის ველზე იბრძოდნენ კაცობრიობის ისტორიის ბედი წყდებოდა. მაშინ კიხთვის ქვეშ იდგა, გაგრძელდებოდა თუ არა კაცობრიობა, გაგრძელდებოდა თუ არა ცივილიზაცია, თუ ბოროტი გაიმარჯვებდა კეთილზე სამუდამოდ.

ჩემო პატივცემულო ვეტერანებო, ვინც აქ ხართ, ვინც სახლში ბრძანდებით, ვინც მთელი მსფოლიოს მასშტაბით დღეს ზეიმობთ ამ უმნიშვნელოვანეს დღეს ქედის მოხრით მინდა მადლობა გითხრათ თქვენი გმირობისათვის. იმ გმირობისათვის, რომელიც თქვენ სრულიად ახალგაზრდა გოგო- ბიჭებმა ჩაიდინეთ და რითაც შესაძლებელი გახადეთ არამარტო საქართველოში, არამედ  ევროპის ნებიმსმიერ ქვეყანაში გაგრძლებულიყო სიცოცხლე და გაგრძლებულიყო კაცობრიობის ისტორია.

დღეს, თქვენ მთელი კაცობრიობა გეუბნებათ მადლობას ამ გმირობისათვის. დღეს, ბუნებრივია ჩვენ ვიხსენებთ იმ ადამიანებსაც, ვინც თქვენთან ერთად იბრძოდა და სიცოცხლე გასწირა. საქართველომ განსაკუთრებული და საგანგებო წვლილი შეიტანა ამ გამარჯვებაში.

დღეს ჩვენ ვართ კახეთში, აქედან ვულოცავთ მთელს საქართველოს ამ დღეს და დარწმუნებული ვარ, რომ თუ ოდესმე კიდევ ვინმე გაბედავს და გაილაშქრებს კაცობრიობის წინააღმდეგ, გაილაშქრებს ჰუმანიზმის წინაარმდეგ, შეეცდება, რომ ჩვენი მამული დაიპყროს და შერყვნას, ისევე როგორც საუკუნეების განმავლობაში, ისევე როგორც დიდი სამამულო ომის დროს, ისინი მიიღებენ საკადრის პასუხს", - განაცხადა საქართველოს პრეზიდენტმა.

გურჯაანში ადგილობრივ მოსახლეობასთან შეხვედრას ესწრებოდნენ საქართველოს პრეზიდენტის ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი ირინე იმერლიშვილი, თავდაცვის მინისტრის მოადგილე ანა დოლიძე, გენშტაბის უფროსი გენერალ- მაიორი ვახტანგ კაპანაძე, პრეზიდენტის მრჩევლები ალექსანდრე ბარბაქაძე, ფიქრია ჩიხრაძე და თენგიზ ფხალაძე, პარლამენტის წევრები და ადგილობრივი ხელისუფლების წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი ჰერჩინსკიზე: ჩვენს ისტორიაში ბნელი იყო უცხო ძალების გამუდმებული მცდელობა „ჩახუტებით გავეგუდეთ“

სუს: თანხების მითვისება-გაფლანგვისთვის დაკავებულია „კოდორიჰესების“ დეპარტამენტის უფროსი

პრინცი ჰარი მოულოდნელი ვიზიტით კიევს ეწვია

კობახიძემ თქვა, რომ რუბიოსთან დახურულ თემეზე ისაუბრა