საქართველოს საგარეო საქმეთა მინისტრის, მიხეილ ჯანელიძის განცხადებით, ევროპის საბჭოს მინისტრთა მოადგილეების კომიტეტის დადგენილებას-„ევროპის საბჭო და კონფლიქტი საქართველოში“ მოჰყვა მხარდამჭერი განცხადებები როგორც ევროკავშირის მხრიდან, ასევე სხვა ქვეყნების წევრების მხრიდანაც.

 მისივე თქმით, ევროკავშირის დელეგაციამ  რუსეთის ფედერაციას მოუწოდა,  შეასრულოს ნაკისრი საერთაშორისო ვალდებულებები, მათ შორის, 12 აგვისტოს ცეცხლის შეწყვეტის ექვსპუნქტიანი შეთანხმება.

 „ასევე უზრუნველყოს ევროკავშირის სადამკვირვებლო მისიის შესვლა საქართველოს ოკუპირებულ რეგიონებშ და აიღოს საქართველოს მიმართ ძალის არგამოყენების ვალდებულება“,- განაცხადა ჯანელიძემ.

ამასთან, მიხეილ ჯანელიძის განმარტებით, ევროკავშირი გმობს ცხინვალის რეგიონში გაცხადებულ შესაძლო რეფერენდუმს რუსეთის ფედერაციასთან მიერთების საკითხზე.

„აღინიშნა, რომ თუ რეფერენდუმი ჩატარდება ეს იქნება საერთაშორისო სამართლის დარღვევა.ევროკავშირი ასევე გმობს ოკუპირებულ რეგიონებთან გაფორმებულ იგივე ინტეგრაციის ხელშეკურლებებს“,- აღნიშნა მიხეილ ჯანელიძემ და დასძინა, რომ ამ განცხადებას რამდენიმე ქვეყანა შეუერთდა, მათ შორის, ნორვეგია, უკრაინა, ალბანეთი, ანდორა, მოლდოვა, თურქეთი და  სხვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება