„რომელ კანდიდატურას ირჩევს უკრაინის ლეგიტიმური მთავრობა იმ ქართველი მოქალაქეებისგან, რომელსაც უკრაინის დახმარება სურს, ეს უკრაინის გადასაწყვეტია“,-ამის შესახებ საქართველოს პრეზიდენტმა გიორგი მარგველაშვილმა უკრაინულ ტელეარხ „ინტერ პლიუსთან“ საუბრისას უკრაინაში  ქართველი ყოფილი მაღალჩინოსნების დანიშვნასთან დაკავშირებით განაცხადა.
მარგველაშვილის თქმით, ის არ ფიქრობს, რომ უკრაინის ამ გადაწყვეტილებაზე კომენტარი უნდა გააკეთოს.
ამასთან, პრეზიდენტმა მარგველაშვილმა აღნიშნა, რომ უკრაინაში განვითარებული მოვლენები ძალიან ჰგავს 2008 წლის საქართველოს მოვლენებს.
„რაც შეეხება  უკრაინაში შექმნილ მდგომარეობას  ეს ძალიან ჰგავს საქართველოში რამდენიმე  წლის წინ განვითარებულ მოვლენებს.  ეს გვახსენებს არამხოლოდ 2008 წელს, არამედ 90-იან წლებსაც. მაშინაც იყო ე.წ.  „ჰიბრიდული ომი“ სამხრეთ ოსეთსა და  აფხაზეთში.  2008 წელს ამ აგრესიამ კიდევ უფრო  სასტიკი სახე მიიღო. ჩვებ ვხედავთ ხელშეკრულებას აფხაზეთსა და რუსეთს შორის, იგივე ხელშეკრულება მზადდება სამხრეთ ოსეთთთნაც. შექმნილ  სიტუაციაში ჩვენ მოვუწოდებთ  უკრაინელ ხალხს იდგეს  მედგრად, ამაყად  და არ დაკარგოს რაციონალური მიდგომა  იმ პროცესებისადმი, რომელსაც დღეს აქვს ადგილი.  რაც შეეხება უკრაინის მთავრობაში ქართველების დანიშვნას,  რომელ კანდიდატურას ირჩევს უკრაინის ლეგიტიმური მთავრობა, იმ ქართველი მოქალაქეებისგან, რომელსაც უკრაინის დახმარება  სურს ეს  უკრაინის გადასაწყევტია.  ამიტომ მე არ ვფიქრობ, რომ ამ გადაწყვეტილებებზე კომენტარი უნდა გავაკეთო“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს