პრემიერმინისტრ გიორგი კვირიკაშვილის განცხადებით, მნიშვნელოვანი მიღწევაა, რომ საქართველო „ღია მმართველობის პარტნიორობის“  საერთაშორისო ფორმატში, მმართველი კომიტეტის თანათავმჯდომარე გახდა.

როგორც კვირიკაშვილმა მთავრობის დღევანდელ სხდომაზე განაცხადა, აღნიშნული ფაქტი საქართველოს მიერ  ღია მმართველობის კუთხით განხორციელებული რეფორმების აღიარებაა.

მმართველი კომიტეტის თავმჯდომარე საფრანგეთია, საქართველო კი, ამ პოზიციაზე მას   მომავალ წელს ჩაანაცვლებს.

„მნიშვნელოვანი მიღწევაა ის, რომ ღია მმართველობის პარტნიორობის საერთაშორისო ფორმატში საქართველო გახდა თანათავმჯდომარე მმართველი კომიტეტის. ეს არის აღიარება იმ რეფორმების ღია მმართველობის კუთხით,  რომელსაც საქართველო ატარებს. თავმჯდომარე ქვეყანა გახდა საფრანგეთი, ჩვენ ვართ თანათავმჯდომარე, ერთი წლის შემდეგ, საქართველო გახდება თავმჯდომარე, რაც ვფიქრობთ, რომ ამ მიმართულებით ძალიან დიდი მიღწევაა. საქართველოში ჩატარდა ორი საერთასშრისო ფორუმი, 2013 წელს დაიწყო აღნიშნული რეფორმები და დღეს  ასეთი საერთაშორისო მაღალი პოზიციის დაკავება, საქართველოს მიერ მიღწეული შედეგების აღიარებაა. 2013 წლის 1 ნოემბერს ღია მმართველობის პარტნიორობის ყოველწლიურ სამიტზე, ლონდონში, ქართული რეფორმა საჯარო ინფორმაციის ხელმისაწვდომობის სფეროში 7 ყველაზე წარმატებულ პროექტს შორის დასახელდა“,-აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება