ფემიციდი  (ქალთა მიმართ ძალადობის ყველაზე სასტიკი ფორმა-მკვლელობა) შესაძლოა,  განსაკუთრებით მძიმე დანაშაულთა კატეგორიაში გადავიდეს. აღნიშნულს  „სისხლის სამართლის კოდექსში“ ცვლილებების პროექტი ითვალისწინებს, რომელიც პარლამენტში ინიცირებულია და მისი ავტორები ფრაქცია „რესპუბლიკელების“ წევრები - თამარ კორძაია და თამარ ხიდაშელი არიან.

ცვლილებები ფემიციდის ადამიანის წინააღმდეგ მიმართულ დანაშაულად აღიარებასა და მის განსაკუთრებით მძიმე დანაშაულთა კატეგორიაში მოქცევას გულისხმობს.

ამასთან, ცვლილებების მიხედვით,  გენდერული ნიშნით ჩადენილი დანაშაულები, მათ შორის  ჯანმრთელობის განზრახ მძიმე და მსუბუქი დაზიანება, ცემა, ძალადობა, იძულება და მუქარა, დამამძიმებელ გარემოებად უნდა იქნას აღიარებული.

კანონპროექტის ავტორთა განმარტებით, კანონპროექტის მიღების მიზეზია გენდერული ნიშნით ჩადენილი ქალთა მკვლელობის  და მკვლელობის მცდელობის გახშირება.

"გენდერული ნიშნით ჩადენილი მკვლელობის და მკვლელობის მცდელობის საერთო რიცხვმა ორი წლის მონაცემებით 60-ს გადააჭარბა, რაც საგანგაშო სტატისტიკაა“, - აღნიშნულია კანონპროექტის  განმარტებით ბარათში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე