IRI-საც უთხარით და სხვებსაც ალილო და ხვალეო იქნება არჩევნები, - ასე უპასუხა IRI-ს კვლევებთან დასმულ კითხვას რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა.

როგორც მინისტრმა აღნიშნა, მას ძალიან კარგად ახსოვს 2012 წლის წლის წინ გაკეთებული დასკვნები.

„ძალიან კარგად მახსოვს 2012 წლის არჩევნების წინ როგორი დასკვნები კეთდებოდა პრაქტიკულად ყველა მიმართულებით და რა შედეგები იყო ყველამ კარგად ნახა. ძალიან გული მტკივა, რომ ისეთი წარმატებული როგორც გვეგონა და როგორც გვინდოდა დღევანდელი ხელისუფლება არჩევნების წინ არ არის. მითხარით შეიძლება თუ არა შევადაროთ დღევანდელი ხელისუფლება წინა ხელისუფლებას, მაპატიეთ მაგრამ ან ბრმა უნდა იყო ან შეგნებულად ანგაჟირებული“, - განაცხადა ნოდარ ჯავახიშვილმა.

მისნისტრის თქმით, მას არ სჯერა და არ ეთანხმება არცერთი კვლევის მონაცემებს.

როგორც ჯავახიშვილმა აღნიშნა ის დარწმუნებულია, რომ წლევანდელ არჩევნებზეც დაახლოებით ის შედეგი იქნება როგრიც წინა არჩევნებზე.

ცნობისთვის, მედიაში გაჟონა IRI-ს კვლევის შედეგებმა, რომლის ოფიციალური პრეზენტაცია ჯერ არ გამართულა. საერთაშორისო რესპუბლიკური ინსტიტუტის კვლევის თანახმად კითხვას ხვალ, რომ საპარლამენტო არჩევნები იყოს, რომელ პარტიას დაუჭერდით მხარს? გამოკითხულთა 20% მხარს „ქართულ ოცნებას“ უჭერს, 19% - „ნაციონალურ მოძრაობას“, ხოლო 13% - „თავისუფალ დემოკრატებს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე