თბილისში ფორდის განახლებული ცენტრი გაიხსნა

2016-04-20 20:01:24, 1246 ნახვა

სხვადასხვა

თბილისში ამერიკული ავტომწარმოებელი კომპანიის, „ფორდის“ განახლებული სალონი გაიხსნა.
ცენტრი დედაქალაქის მერმა დავით ნარმანიამ ვიცე-პრემიერ კახა კალაძესთან, „ფორდ ევროპის“ რეგიონალურ დირექტორ ფაბრიციო ფალტონისთან და თბილისში ცენტრის დირექტორ თემურ უსტიაშვილთან ერთად გახსნა.

დავით ნარმანიას თქმით, ქალაქისა და ქვეყნისათვის ძალიან მნიშვნელოვანია კომპანიის მხრიდან განხორციელებული საკმაოდ სოლიდური ოდენობის ინვესტიცია.

„გარდა ამისა, დამატებით შეიქმნება სამუშაო ადგილები. ამასთან, მომხმარებლები მიიღებენ იმ მომსახურებას, რომელზეც მოთხოვნა იყო. დედაქალაქში კიდევ უფრო ვითარდება სხვადასხვა სერვისის მიწოდება, ბიზნესი, ინდუსტრია, რაც მისასალმებელია“, - განაცხადა დავით ნარმანიამ.

ღონისძიებას ადგილობრივი მეწარმეები და „ფორდის“ ევროპის 30 ქვეყნიდან ”ფორდის” წარმომადგენლობების ესწრებოდნენ.