„ნამდვილად არის დრო, რომ ნატო-მ თავისი მნიშვნელოვანი გადაწყვეტილებებით მხარი დაუჭიროს უკრაინას“, - ამის შესახებ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ, სკოლა „ინტელექტში“ მოსწავლეებთან შეხვედრის დასრულების შემდეგ ჟურნალისტებს განუცხადა.

ბაქრაძემ ასევე, უკრაინაში პრეზიდენტის გიორგი მარგველაშვილის დაგეგმილი ვიზიტიც შეაფასა და აღნიშნა, რომ საქართველო უკრაინაში  სახელმწიფოს მეთაურის დონეზე იქნება წარმოდგენილი, რაც მნიშვნელოვანია.

„პირველ რიგში საქართველო წარმოდგენილია სახელმწიფოს მეთაურის დონეზე, ეს არის ძალიან მნიშვნელოვანი სტატუსი, რომლითაც ჩვენ წარვსდგებით. რაც შეეხება თავად თარიღს, ერთი წელი გავიდა, რაც უკრაინელი ხალხი თავის სისხლს ღვრის, დემოკრატიისთვის და დემოკრატიული ღირებულებებისთვის, შესაბამისად ნამდვილად არის დრო, რომ ნატო-მ თავისი მნიშვნელოვანი გადაწყვეტილებებით მხარი დაუჭიროს უკრაინას. უკრაინის ბრძოლა მხოლოდ ერთი ქვეყნის ბრძოლა არ არის. ეს ბრძოლა ღირებულებების ბრძოლაა. რუსეთმა მსგავსი ქმედებები არამხოლოდ უკრაინაში, მოლდოვაშიც და საქართველოშიც გააკეთა“, - აღნიშნა ბაქრაძემ

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს