ე.წ. ფარული ჩანაწერების საქმეზე ბრალდებულები სასამართლომ პატიმრობაში დატოვა

2016-04-13 17:41:32, 896 ნახვა

სამართალი

ე.წ. ფარული ჩანაწერების საქმეზე ბრალდებული პირები - ზურაბ ჯამალაშვილი, ირაკლი ფხალაძე და გელა ღურწკაია სასამართლომ პატიმრობაში დატოვა.

თბილისის საქალაქო სასამართლოში ზურაბ ჯამალაშვილს, ირაკლი ფხალაძისა და გელა ღურწკაიას აღკვეთის ღონისძიების შეცვლის თაობაზე საქალაქო სასამართლოში პროცესი დახურულ რეჟიმში მიმდინარეობდა.

საქმე „ქრონიკა პლუსის“ რედაქტორ ელისო კილაძის ოფისში მიტანილ კადრებს ეხება, რის გამოც ღურწკაია სისხლის სამართლის პასუხისგებაში მისცეს.

როგორც ზურაბ ჯამალაშვილის ადვოკატმა აღნიშნა, პროკურატურას დაკავებულის წინააღმდეგ არცერთი მტკიცებულება არ გააჩნია.

გელა ღურწკაიას ადვოკატის განცხადებით, ბრალდებული აღიარებს, რომ სანამ კადრებს "ქრონიკა პლუსის" რედაქტორს მიუტანდა, მას პირადი ცხოვრების ამსახველი კადრები ამავე საქმეში ბრალდებულმა კუდ-ის ყოფილმა თანამშრომელმა, ნიკოლოზ ხაჭაპურიძემ, 1000 ლარის სანაცვლოდ გადასცა.

ადვოკატები ვარაუდობენ, რომ გელა ღურწკაიას და ზურაბ ჯამალაშვილს, პატიმრობიდან გაათავისუფლებენ.

შეგახსენებთ, პირადი და ოჯახური საიდუმლოების ხელყოფის ბრალდებით, 5 პირის მიმართ სისხლის სამართლის დევნა დაიწყო. ინგა ჩატოიანის გარდა, ოთხივე დაკავებულია. ჩატოიანი გირაოს სანაცვლოდ გაათავისუფლეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან