,,ქართული ოცნების" ხელისუფლების წარმომადგენლები ევროკავშირის გაფართოების ფორუმზე არ იქნებიან წარმოდგენილი. ღონისძიების გამომსვლელთა ოფიციალურ სიას ევროკომისიის ვებგვერდი ავრცელებს.

მასშტაბური ფორუმი, სახელწოდებით „უფრო ფართო ევროპა - უფრო ძლიერი ევროპა“, 15-16 ნოემბერს გაიმართება. ღონისძიების დადასტურებულ გამომსვლელებს შორის ევროკავშირის უმაღლესი თანამდებობის პირები არიან: ევროკომისიის პრეზიდენტი ურსულა ფონ დერ ლაიენი, ევროპული საბჭოს პრეზიდენტი ანტონიო კოშტა, ევროკავშირის უმაღლესი წარმომადგენელი კაია კალასი და ევროკომისარი გაფართოების საკითხებში მარტა კოსი.

ამასთანავე, სპიკერებს შორის წარმოდგენილნი არიან ევროკავშირის წევრობის კანდიდატი ქვეყნების ლიდერები: მოლდოვის პრეზიდენტი მაია სანდუ, უკრაინის პრემიერ-მინისტრი სერგეი კორეცკი, ალბანეთის პრემიერ-მინისტრი ედი რამა, მონტენეგროს პრემიერ-მინისტრი მილოიკო სპაჟიჩი და ჩრდილოეთ მაკედონიის პრემიერ-მინისტრი ჰრისტიან მიცკოსკი.

მანამდე გამოცემა „ევროსკოპს“ წყარომ დაუდასტურა, რომ აღნიშნულ გაფართოების ფორუმზე საქართველოს ხელისუფლება საერთოდ არ მიუწვევიათ.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა