მოსკოვისა და ვაშინგტონის მაღალჩინოსნებმა, მათ შორის აშშ-ის პრეზიდენტის სიძემ ჯარედ კუშნერმა და რუსეთის პრეზიდენტის სპეციალურმა წარმომადგენელმა კირილ დმიტრიევმა, განიხილეს ამერიკელი ინვესტორის ჩართვა Nord Stream გაზსადენის შესაძლო განახლებაში, იტყობინება Reuters ხუთ ინფორმირებულ წყაროზე დაყრდნობით.

„ნებისმიერი გარიგება უნდა განიხილებოდეს რუსეთს, აშშ-ის განვითარების საფინანსო კორპორაციას (DFC) და აშშ-ის ფინანსთა სამინისტროს შორის და ის სასარგებლო უნდა იყოს ამერიკელი გადასახადის გადამხდელებისა და კომპანიებისთვის“, - განაცხადა თეთრი სახლის პრესსპიკერმა კითხვაზე პასუხის გაცემისას, წამოჭრილი იყო თუ არა გაზსადენის თემა რუსეთ-ამერიკის შეხვედრებზე. თუმცა, მან აღნიშნა, რომ Nord Stream-ზე ბოლო დროს საუბარი არ ყოფილა.

აშშ-ის ოფიციალურმა პირმა განაცხადა, რომ მრავალი დაბრკოლების გათვალისწინებით, ევროპაში რუსული გაზსადენის გაზმომარაგების განახლების შესახებ შეთანხმების მიღწევა საშუალოვადიან პერსპექტივაში ნაკლებად სავარაუდოა. Nord Stream 1 და Nord Stream 2 მილსადენები აშშ-სა და ევროკავშირის სანქციების ქვეშაა.

ტრამპს შეუძლია გააუქმოს ან შეამსუბუქოს ვაშინგტონის მიერ დაწესებული სანქციები, მაგრამ ეს უფრო რთული იქნება, თუ დემოკრატები 3 ნოემბრის არჩევნებში კონგრესზე კონტროლს მოიპოვებენ.

გერმანიის ეკონომიკისა და ენერგეტიკის სამინისტროს წარმომადგენელმა განაცხადა, რომ „ნორდ სტრიმი“ და რუსული გაზი ევროპული სანქციების ქვეშაა და რომ ბერლინმა უკვე იპოვა ალტერნატიული მიწოდების წყაროები. მისი თქმით, მილსადენების ექსპლუატაციის განახლებას მთავრობის თანხმობა დასჭირდება, რომელიც მათი აღდგენით არ არის დაინტერესებული.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა