კარგია, როდესაც ადამიანები ათვითცნობიერებენ, ინანიებენ ჩადენილ დანაშაულს და სახელმწიფოს სასჯელის შემსუბუქებისთვის მიმართავენ, – ამის შესახებ ივანიშვილის წარმომადგენელმა ირაკლი ქადაგიშვილმა განაცხადა.

მისი თქმით, თავიდანვე ითქვა, რომ ვინც გააცნობიერებს, რომ მისი ქმედება ანტისახელმწიფოებრივი იყო, სახელმწიფო მის მიმართ ლოიალური იქნება.

„ქართული სახელმწიფოებრიობისა და დემოკრატიის წინააღმდეგ 4 ოქტომბრის პროვოკაციამ სრული ფიასკო განიცადა. ის დასრულდა ისე, როგორც ქართველ ხალხს და არა მარტო ქართულ სახელმწიფოს უნდოდა. კარგია, როდესაც ადამიანები ათვითცნობიერებენ, ინანიებენ ჩადენილ დანაშაულს და სახელმწიფოს სასჯელის შემსუბუქებისათვის მიმართავენ. თავიდანვე ვამბობდით, ვინც გააცნობიერებს, რომ მისი ქმედება ანტისახელმწიფოებრივი იყო, სახელმწიფო მის მიმართ ლოიალური იქნება. უკვე ბევრმა ისარგებლა ამით. ამ შემთხვევაშიც, რა თქმა უნდა, სახელმწიფო შემხვედრ ნაბიჯებს გადადგამს, საკითხის განხილვა სასამართლოში მიმდინარეობს. ყველასათვის ეს უნდა იყოს მანიშნებელი, რომ ქვეყანაში, მით უმეტეს გარედან დაკვეთით ჩატარებული ფერადი რევოლუციების დრო დამთავრდა. ყველამ უნდა იზრუნოს იმაზე, რომ ამა თუ იმ პოზიციას ან ქვეყანაში გარკვეულ ცვლილებებს უნდა მიაღწიოს ქართველ ხალხთან, ამომრჩეველნთან პოლიტიკური საქმიანობით. ეს კიდევ ერთხელ აჩვენებს იმის უპერსპექტივობას, რაც ერთი წლის წინ, 4 ოქტომბერს მოხდა საქართველოში, რასაც მხარი დაუჭირა ოფიციალირად ევროკავშირის წარმომადგენელმა და დადგა არა საქართველოს კონსტიტუციის, დემოკრატიისა და არჩევნების მხარეს, არამედ რევოლუციის მხარეს. და დღეს, ერთი წლის თავზე, ეს ყველაფერი ნელ-ნელა წარსულს რომ ბარდება და ადამიანები ამას ათვითცნობიერებენ, ძალიან კარგია“, – განაცხადა ირაკლი ქადაგიშვილმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა